Цэнтр даследаванняў беларускай культуры, мовы і літаратуры Акадэміі навук узначаліць былая дэпутатка
Шматгадовы дырэктар Цэнтра даследаванняў беларускай культуры, мовы і літаратуры НАНБ 70‑гадовы Аляксандр Лакотка пайшоў на пенсію, а замест яго ўстанову ўзначаліць былая дэпутатка Палаты прадстаўнікоў.
З сайта Цэнтра прозвішча Аляксандра Лакоткі ў якасці дырэктара ўжо знялі, але замест яго нікога пакуль не паставілі. Выконвае ж абавязкі нядаўна прызначаная першай намесніцай дырэктара па навуковай рабоце Вольга Папко, якая пасля праходжання ўсіх працэдур будзе прызначаная і дырэктаркай. Прынамсі, Навуковая рада ўстановы на гэта фармальную згоду ўжо дала.
49‑гадовая Вольга Папко вядомая тым, што ў 2012‑2016 гадах працавала дырэктаркай Мірскага замка, а ў 2016 годзе была прызначаная дэпутаткай Палаты прадстаўнікоў. У 2019 годзе яе паўнамоцтвы працягнутыя не былі.
Паходзіць яна з Брэста, дзе таксама атрымала вышэйшую адукацыю і доўгі час працавала на кафедры філасофіі і культуралогіі мясцовага тэхнічнага ўніверсітэта. Таксама вучылася ў аспірантуры Інстытута гісторыі НАН Беларусі і ў каледжы Ост-Вест пры Рурскім універсітэце ў нямецкім Бохуме. Валодае некалькімі замежнымі мовамі.
У маі 2025 года Папко абараніла доктарскую дысертацыю на тэму «Мастацкія калекцыі князёў Вітгенштэйнаў у кантэксце еўрапейскага мастацтва XIX стагоддзя». Тым самым яна набыла навуковую ступень доктара мастацтвазнаўства.
У структуру Цэнтра даследаванняў беларускай культуры, мовы і літаратуры Нацыянальнай акадэміі навук Беларусі уваходзяць тры інстытуты-філіялы — Інстытут мовазнаўства імя Якуба Коласа, Інстытут літаратуразнаўства імя Янкі Купалы і Інстытут мастацтвазнаўства, этнаграфіі і фальклору імя Кандрата Крапівы.
Знялі з пасады першага намесніка кіраўніка НАНБ
«Сыходзіць эпоха навуковага стэндапу». Бесараб пра зняцце з пасады былога кіраўніка Акадэміі навук
Дэпутат-гісторык Даніловіч расказаў пра 28 еўрапейскіх народаў, якія прыйшлі захопліваць Беларусь разам з Гітлерам
«Спробы перапісаць гісторыю сталі яшчэ больш лютымі». Лукашысты звярнулі ўвагу на асартымент беларускіх кнігарняў
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода18
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары