Кіраўніцтва справамі Лукашэнкі распрацавала спецыяльную праграму па вываду сельскагаспадарчага прадпрыемства «АСБ-Агра Гарадзец» Шклоўскага раёна, у якім Лукашэнка быў дырэктарам да свайго прыходу да ўлады, на стабільную, эфектыўную і прыбытковую працу, піша БелТА.
Раней на прадпрыемстве ўзніклі праблемы, якія выклікалі крытыку з боку Аляксандра Лукашэнкі падчас ягонага наведвання гэтага важнага для сябе месца. Гэтыя недахопы датычыліся арганізацыйных і вытворчых аспектаў дзейнасці прадпрыемства.
Кіраўнік Кіраўніцтва справамі Лукашэнкі Юрый Назараў расказаў, што для вырашэння праблем праведзена серыя сустрэч і аглядаў аб’ектаў разам з абласным і раённым выканаўчымі камітэтамі. Былі вызначаныя канкрэтныя мерапрыемствы, якія неабходна рэалізаваць, а цяпер распрацоўваецца дакладны план па тэрмінах і выдатках на іх выкананне.
Мэта праграмы — зрабіць прадпрыемства прыбытковым, каб яно магло развівацца і ўкладваць сродкі ў сваю інфраструктуру.
Юрый Назараў адзначыў, што вясной Лукашэнка зноў збіраецца паехаць у «Гарадзец», дзе яму пакажуць абноўленую інфраструктуру вытворчасці, а таксама новыя аб’екты, якія ўжо пабудаваныя або будуць пабудаваныя ў найбліжэйшы час.
Лукашэнка наведаў былы саўгас «Гарадзец» 27 верасня, вяртаючыся ў Мінск пасля паездкі ў Маскву. Цяперашнім станам сваёй былой гаспадаркі ён быў зусім не задаволены. Яму вельмі не спадабалася, як захоўваюць запчасткі на машынным двары. І сёння «Гарадзец», маўляў — не самая горшая, але адна з найгоршых гаспадарак: «Гэта ганьба для прэзідэнта… Да такога стану давялі».
Менавіта тады Лукашэнка даў даручэнне мясцовым уладам і кіраўніцтву свайго Кіраўніцтва справамі да вясны навесці «ідэальны парадак».
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць26
Каментары
Если и УДП долго с ним не протянет, то отдадут Национальному банку Головченко.
вывелзавёл свой совхоз ЧУП «Городец» в миллионеры по убыткам.