Расійскі пісьменнік і прапагандыст Аляксандр Праханаў нядаўна выдаў новы раман пад назвай «Лемнер», у якім цэнтральны персанаж створаны па матывах заснавальніка ПВК «Вагнер» Яўгена Прыгожына. Але распаўсюд яе ў Расіі фактычна забаранілі, піша The Moscow Times.
Найбольшую ўвагу ў рамане прыцягваюць урыўкі, дзе персанажу Леаніду Леанідавічу Траявідаву, у якім угадваецца вобраз Уладзіміра Пуціна, надаюцца вельмі эксцэнтрычныя і скандальныя рысы. Ён захоўвае целы ворагаў у кабінеце і наталяецца крывёй цнатлівіц.
«Раз у месяц Леанід Траявідаў амалоджваўся, цалкам мяняў кроў. З Пекіна яму дасылалі фарфоравую вазу з ружовымі п'яўкамі. Гэтых п'явак насычалі крывёй кітайскіх нявінніц. П'яўкі прысмоктваліся да ягонага цела, пілі ягоную стомленую кроў, уліваючы наўзамен цнатлівую свежасць. Укусы ружовых п'явак былі далікатныя, як пацалункі», — апісаў Праханаў асаблівасці кіраўніка расійскай дзяржавы.
2 кастрычніка кніга нечакана знікла з каталога ў інтэрнэт-кнігарні «Чытай-горад», а на маркетплэйсе Ozon было адзначана, што папяровыя асобнікі ўжо раскупленыя. Пры гэтым прэзентацыя рамана, прызначаная на 29 верасня ў Маскоўскім доме кнігі, таксама была адменена.
Сам Праханаў адрэагаваў на сітуацыю, заявіўшы, што прэзентацыю адмянілі «перапалоханыя ўладальнікі». Ён нават пакінуў адпаведны пост, але хутка яго выдаліў. Пазней у тэлеграм-канале Маскоўскага дома кнігі тлумачылі, што мерапрыемства адмянілі нібыта з меркаванняў бяспекі — каб пазбегнуць магчымых правакацый або нападаў на аўтара і чытачоў.
Літаратурны крытык Галіна Юзафовіч заўважыла, што сітуацыя паказальная: нават такі пісьменнік, як Праханаў, які лічыў, што яму дазволена свабодна разважаць на падобныя тэмы, сутыкнуўся з абмежаваннямі. Цэнзурная лодка, маўляў, для ўсіх адна.
Памёр расійскі прапагандыст Тыгран Кеасаян. Дзевяць месяцаў ён праляжаў у коме
Былога кіраўніка «фабрыкі троляў» Прыгожына ў Расіі прысудзілі да 10 гадоў калоніі строгага рэжыму
Ці сапраўды перасадка органаў падорыць неўміручасць? Вось што кажа медыцына пра планы Пуціна і Сі
Кітайскае тэлебачанне прымусіла Reuters выдаліць відэа, на якім Пуцін з Сі Цзіньпінам разважаюць пра неўміручасць
Пуцін і Сі абмяркоўвалі, як дажыць да 150 гадоў. Мікрафон быў не выключаны
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары
ок, не блага, а дзе ты быў калі Уткіна кодла ішла на Маскву ? і калі бы не спыніліся , захапілі бы яе без цяжкасцяў , хаваўся ў летніку чакаў хто пераможа ? акрамя , імперскай кодлы Прогожіна& Уткіна няма там з яйкамі эмпэрцаў . Ты безсэнсоўны дысідэнт і баязлівец Праханов