Prachanaŭ napisaŭ knihu pra Pryhožyna i Pucina, ale ŭłady jaje nie acanili
Rasijski piśmieńnik i prapahandyst Alaksandr Prachanaŭ niadaŭna vydaŭ novy raman pad nazvaj «Lemnier», u jakim centralny piersanaž stvorany pa matyvach zasnavalnika PVK «Vahnier» Jaŭhiena Pryhožyna. Ale raspaŭsiud jaje ŭ Rasii faktyčna zabaranili, piša The Moscow Times.
Najbolšuju ŭvahu ŭ ramanie pryciahvajuć uryŭki, dzie piersanažu Leanidu Leanidaviču Trajavidavu, u jakim uhadvajecca vobraz Uładzimira Pucina, nadajucca vielmi ekscentryčnyja i skandalnyja rysy. Jon zachoŭvaje cieły vorahaŭ u kabiniecie i natalajecca kryvioj cnatlivic.
«Raz u miesiac Leanid Trajavidaŭ amałodžvaŭsia, całkam mianiaŭ kroŭ. Ź Piekina jamu dasyłali farforavuju vazu z ružovymi pjaŭkami. Hetych pjavak nasyčali kryvioj kitajskich niavińnic. Pjaŭki prysmoktvalisia da jahonaha cieła, pili jahonuju stomlenuju kroŭ, ulivajučy naŭzamien cnatlivuju śviežaść. Ukusy ružovych pjavak byli dalikatnyja, jak pacałunki», — apisaŭ Prachanaŭ asablivaści kiraŭnika rasijskaj dziaržavy.
2 kastryčnika kniha niečakana źnikła z katałoha ŭ internet-kniharni «Čytaj-horad», a na markietpłejsie Ozon było adznačana, što papiarovyja asobniki ŭžo raskuplenyja. Pry hetym prezientacyja ramana, pryznačanaja na 29 vieraśnia ŭ Maskoŭskim domie knihi, taksama była admieniena.
Sam Prachanaŭ adreahavaŭ na situacyju, zajaviŭšy, što prezientacyju admianili «pierapałochanyja ŭładalniki». Jon navat pakinuŭ adpaviedny post, ale chutka jaho vydaliŭ. Paźniej u telehram-kanale Maskoŭskaha doma knihi tłumačyli, što mierapryjemstva admianili nibyta ź mierkavańniaŭ biaśpieki — kab paźbiehnuć mahčymych pravakacyj abo napadaŭ na aŭtara i čytačoŭ.
Litaraturny krytyk Halina Juzafovič zaŭvažyła, što situacyja pakazalnaja: navat taki piśmieńnik, jak Prachanaŭ, jaki ličyŭ, što jamu dazvolena svabodna razvažać na padobnyja temy, sutyknuŭsia z abmiežavańniami. Cenzurnaja łodka, maŭlaŭ, dla ŭsich adna.
Pamior rasijski prapahandyst Tyhran Kieasajan. Dzieviać miesiacaŭ jon pralažaŭ u komie
Byłoha kiraŭnika «fabryki trolaŭ» Pryhožyna ŭ Rasii prysudzili da 10 hadoŭ kałonii strohaha režymu
Ci sapraŭdy pierasadka orhanaŭ padoryć nieŭmiručaść? Voś što kaža miedycyna pra płany Pucina i Si
Kitajskaje telebačańnie prymusiła Reuters vydalić videa, na jakim Pucin ź Si Czińpinam razvažajuć pra nieŭmiručaść
Pucin i Si abmiarkoŭvali, jak dažyć da 150 hadoŭ. Mikrafon byŭ nie vyklučany
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary
ok, nie błaha, a dzie ty byŭ kali Utkina kodła išła na Maskvu ? i kali by nie spynilisia , zachapili by jaje bieź ciažkaściaŭ , chavaŭsia ŭ letniku čakaŭ chto pieramoža ? akramia , impierskaj kodły Prohožina& Utkina niama tam ź jajkami empercaŭ . Ty biezsensoŭny dysident i bajaźliviec Prachanov