Анатоль Кашпіроўскі тэрмінова шпіталізаваны ў Маскве. Ён лічыць, што ўжо нічога не дапаможа
Яму стала дрэнна на фоне развіцця анкалогіі.
Анатоль Кашпіроўскі тэрмінова шпіталізаваны ў Маскве — паводле звестак «Базы», яму стала дрэнна на фоне развіцця анкалогіі.
86‑гадоваму тэлапату, культаваму персанажу тэлебачання ў пачатку 1990‑х патрэбны чарговы курс тэрапіі, у бліжэйшыя тыдні ён будзе праходзіць лячэнне.
Кашпіроўскі спрабаваў вылечыць сябе сам сваімі метадамі, але гэта не дапамагло, і сітуацыя са здароўем рэзка пагоршылася.
Паводле звестак «Базы», тэлапат доўгі час пакутаваў ад боляў у брушной поласці, але адмаўляўся звяртацца да дактароў па дапамогу. Лячыўся сам.
Аднак цяпер яму рэзка стала дрэнна, і давялося тэрмінова ехаць у бальніцу. У выніку дыягностыкі высветлілася, што ён моцна запусціў анкалагічнае захворванне, і паражаных участкаў у брушной поласці аказалася вельмі шмат.
Зараз пачалі прамянёвую тэрапію, але 86‑гадовы Кашпіроўскі лічыць, што яна ўжо наўрад ці яму дапаможа, піша Baza.
Каментары
P.S. Оказывается, доверчивых лохов стричь было проще, чем вылечить себя?! Вона как...
усё