Два сыны Уладзіміра Пуціна і Аліны Кабаевай атрымалі прозвішчы-прыкрыцці і аформлены ў дакументах як Іван і Уладзімір Спірыдонавы, пішуць журналісты Раман Баданін і Міхаіл Рубін у кнізе «Царь собственной персоной».
Прозвішча прыкрыцця, відаць, звязанае з імем бацькі Пуціна Уладзіміра Спірыдонавіча, пераказвае «Агентство».
Пад выдуманымі прозвішчамі жывуць і дочкі расійскага прэзідэнта ад першага шлюбу — Кацярына Ціханава і Марыя Варанцова. Прозвішча Ціханавай, хутчэй за ўсё, паходзіць ад імя па бацьку Кацярыны Шкрэбневай, бабулі па маці.
Як Лізавета Алегаўна Руднова ў Францыі жыла пазашлюбная дачка прэзідэнта Лізавета Розава. Алег Рудноў — пецярбургскі медыяменеджар і даўні сябар Пуціна, які памёр у 2015 годзе.
Пуцін і Кабаева з двума сынамі праводзяць значную частку часу ў Валдайскай рэзідэнцыі прэзідэнта. Для Кабаевай, яе нашчадкаў і абслугі там пабудаваныя асобны драўляны палац, спа-цэнтр, зона дзіцячага адпачынку і маштабны парк, пісаў «Праект».
Часам Іван і Уладзімір усё ж з'яўляюцца на людзях, дзякуючы чаму ўдалося атрымаць іхнія фотаздымкі. Яны ўпершыню апублікаваныя ў кнізе Баданіна і Рубіна.
Пра тое, што сыноў Пуціна і Кабаевай завуць Іван і Уладзімір, раней пісала «Дасье». Пры гэтым выданне называла іх Пуцінымі.
Каментуючы планы Пуціна на свой дзень нараджэння, яго прэс-сакратар Дзмітрый Пяскоў не ўдакладніў, ці правядзе прэзідэнт гэты дзень у коле сваёй цяперашняй сям'і. Ён толькі сказаў, што Пуціна павіншуюць з цеплынёй і любоўю яго ўнукі — дзеці дачок.
Цяпер чытаюць
Міжнародны крымінальны суд пачаў расследаванне злачынстваў, здзейсненых рэжымам Лукашэнкі22
Каментары
Ха-ха!