Новы беларускі тэлеканал «Спорт ТБ» пачне трансляцыю ў пятніцу ў 16:45
Новы беларускі тэлеканал «Спорт ТБ» пачне трансляцыю 10 кастрычніка. Пра гэта журналістам паведаміў гендырэктар СТБ Аляксандр Асенка, піша БелТА.
Паводле яго слоў, на працягу апошніх двух гадоў тэлекампанія актыўна вяла перамовы з міжнароднымі спартыўнымі арганізацыямі і купіла правы на пэўны кантэнт, які паказваўся на тэлеканалах «СТБ» і «РТР-Беларусь». Асаблівым попытам карыстаўся сусветны футбол.
На тэлеканале «Спорт ТБ» заўзятары змогуць сачыць за сусветнымі спаборніцтвамі па футболе, тэнісе, плаванні, гандболе і іншых відах спорту.
Аляксандр Асенка дадаў, што тэлеканал таксама будзе вырабляць уласны спартыўны кантэнт.
«На пачатковым этапе мы будзем выкарыстоўваць той кадравы патэнцыял, які ёсць у нашай тэлекампаніі, але таксама будзем прыцягваць дадатковыя кадры, якія маюць дачыненне да спорту», — падсумаваў ён.
«Спорт ТБ» зойме сваё месца на 11‑й кнопцы ва ўсіх кабельных аператараў краіны. Эфір стартуе а 16:45 з трансляцыі адборачнага паядынку чэмпіянату свету па футболе 2026 Казахстан — Ліхтэнштэйн.
Нагадаем, што ў Беларусі ёсць спартыўны канал «Беларусь-5».
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага6
Каментары