Пенсіянерку з Гомеля пасадзілі ў калонію за «абразу Лукашэнкі», «дыскрэдытацыю Беларусі» і «экстрэмісцкае фарміраванне»
Ірыне Кролікавай — 62 гады. На пенсіі яна захапілася рукадзеллем. Але ўжо больш за паўгода жанчына за кратамі. Ірыне пагражала да шасці гадоў калоніі.
Ірына гамяльчанка, да пенсіі працавала бухгалтаркай.
На пенсіі Ірына заняла рукадзеллем. Яна вяжа — кручком і спіцамі. Таксама ўласнаручна ўпрыгожвае свой падворак.
Апошні раз Ірына ўваходзіла ў «Аднакласнікі» ў студзені 2025 года. А нядаўна яе асудзілі па трох палітычных артыкулах Крымінальнага кодэксу — «уваходжанне ў склад экстрэмісцкага фарміравання» (ч. 3 арт. 361‑1 КК), «абраза Лукашэнкі» (ч. 1 арт. 368 КК) і «дыскрэдытацыя Беларусі» (арт. 369‑1 КК).
Падрабязнасці справы, як і дакладны прысуд невядомыя. Але Ірына застаецца за кратамі, значыць, прысуд звязаны з пазбаўленнем волі.
Ірына Кролікава — адна са старэйшых жанчынаў-палітвязняў. Яна сярод 10 пенсіянерак, якія цяпер за кратамі.
«Наша Нiва» — бастыён беларушчыны
ПАДТРЫМАЦЬ
Каментары
И как может от такой новости, спокойно спаться ещё одному белорусскому пенсионеру Лукашенко, его настоящим и ненастоящим жёнам, внучкам, детке Коле?
Этой стране и за 200 лет ни кто и ничего не поможет, продажная и бессовестная.