Павел Дураў апублікаваў дэпрэсіўна-песімістычны прагноз на будучыню
«Мне спаўняецца 41, але я не адчуваю жадання святкаваць», — напісаў заснавальнік Telegram у сваім акаўнце, што мае 10 мільёнаў падпісчыкаў, і тлумачыць чаму. Дураў наракае на краіны Захаду, але не згадвае пра Кітай, Расію і Беларусь
«Наша пакаленне губляе час, каб уратаваць свабодны інтэрнэт, створаны для нас нашымі бацькамі. Тое, што калісьці было абяцаннем свабоднага абмену інфармацыяй, ператвараецца ў найвышэйшы інструмент кантролю, — зазначае ён і следам пералічае выпадкі ў вольным свеце.
«Калі свабодныя краіны ўводзяць дыстапічныя меры, такія як лічбавыя ідэнтыфікатары (Вялікабрытанія), анлайн праверкі ўзросту (Аўстралія) і масавае сканаванне прыватных паведамленняў (ЕС). Германія пераследуе ўсіх, хто асмельваецца крытыкаваць чыноўнікаў у інтэрнэце. Вялікабрытанія знявольвае тысячы за іх твіты. Францыя крымінальна расследуе тэхналагічных лідараў, што абараняюць свабоду і прыватнасць».
Дураў мяркуе, што цёмны свет хутка набліжаецца — пакуль мы спім, таму яго пакаленню гэта пагражае ўвайсці ў гісторыю як апошняму, што мела свабоды — і дазволіла іх адабраць.
«Нам казалі хлусню. Нас прымусілі паверыць, што галоўная барацьба нашага пакалення — знішчыць усё, што пакінулі нам продкі: традыцыі, прыватнасць, суверэнітэт, вольны рынак і свабоду слова.
Прадаўшы спадчыну продкаў, мы сталі на шлях самазнішчэння — маральнага, інтэлектуальнага, эканамічнага і, у выніку, біялагічнага. Дык не, я не буду сёння святкаваць. У мяне заканчваецца час. У нас заканчваецца час», — рэзюмуе Павел Дураў.
Звяртае ўвагу, што Дураў наракае на патэнцыйныя меры краін Захаду, скіраваныя на барацьбу са злачыннасцю анлайн, але не згадвае пра Кітай, Расію і Беларусь, дзе свабода слова ўжо татальна абмежаваная, а тысячы рэсурсаў заблакаваныя.
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну52
Каментары