Беларускі пасол расказаў, што чуваць пра беларуску, якая знікла ў М'янме
Пасол Беларусі ў В’етнаме і М’янме Уладзімір Баравікоў паведаміў, што з 9 кастрычніка пасольства атрымала заяву ад маці зніклай Веры Краўцовай з просьбай дапамагчы ў яе пошуку ў М’янме і Тайландзе. Адразу былі накіраваныя запыты ва ўрадавыя і сілавыя органы гэтых краін, а таксама наладжаныя прамыя кантакты, піша БелТА.
Да дапамогі цяпер падключаны афіцыйныя консульскія прадстаўніцтвы Беларусі ў Бангкоку (Тайланд) і Янгоне (М'янма). Па інфармацыі пасольства, дзяўчына выляцела з Бангкока ў Янгон 20 верасня, але іншых дакладных звестак пра яе месцазнаходжанне ці прававы статус пакуль няма. Пошукавыя мерапрыемствы працягваюцца, пасольства абяцае аказаць усю неабходную дапамогу беларускім грамадзянам.
Уладзімір Баравікоў таксама адзначыў, што ў М’янме дзейнічаюць махлярскія цэнтры, асабліва каля мяжы з Тайландам, і хоць некаторыя з іх былі закрытыя, праблема пакуль існуе. Пасольства не мае дакладных даных пра ўдзел беларусаў у незаконнай дзейнасці ў такіх цэнтрах, але асобныя выпадкі фіксуюцца.
У прыватнасці, у сакавіку 2024 года адна беларуска была паспяхова вярнутая дадому пасля незаконнага ўтрымання ў такім цэнтры дзякуючы супрацоўніцтву беларускіх уладаў з М’янмай і Тайландам. Пасол заклікаў грамадзян быць уважлівымі, асцярожна ставіцца да прапаноў аб працы ў гэтым рэгіёне і не рызыкаваць. Ён таксама нагадаў пра магчымасць скарыстацца гарачай лініяй пасольства ў экстраных сітуацыях.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро9
Каментары