Мінскім настаўнікам і выхавацелькам дзіцячых садкоў прапануюць недарагія кватэры ў Смалявічах
У Смалявічах працягваюць расці дамы для мінскіх чаргавікоў. Так, проста цяпер у горадзе-спадарожніку ўзводзяць цэлы квартал панэльных дамоў. У двух з іх змогуць будавацца настаўнікі і выхавальнікі, што працуюць у дзяржаўных установах адукацыі (школах і садках). Кватэры ім аддадуць па добрай цане (880 даляраў — за метр).
Інфармацыя пра гэта з’явілася ў газеце «Мінскі кур’ер», піша Realt.by.
Зараз у Смалявічах дабудоўваюць два шасціпавярховыя панэльныя дамы — № 7 і № 10 паводле генплана. Дамы ў другім квартале будуць панэльныя на 4 пад’езды. Адзін з іх увядуць у строй ужо ў кастрычніку, другі — у снежні.
Паводле рашэння Мінаблвыканкама 33 кватэры ў дамах, што будуюцца (29 кватэр — у доме № 7 і 4 кватэры — у доме № 10), выдзеляць супрацоўнікам дзяржаўных устаноў дашкольнай і агульнай сярэдняй адукацыі, падпарадкаваных упраўленням па адукацыі адміністрацый раёнаў Мінска.
Кошт квадрата для работнікаў адукацыі складзе 2601−2605 рублёў (каля 880 даляраў). У кошт уваходзіць і выкананне ўнутраных аздобных прац: шпалеры, лінолеум, плітка.
Адзначаецца, што пры будаўніцтве прадугледжана прадастаўленне грамадзянам дзяржаўнай фінансавай падтрымкі ў парадку і на ўмовах, вызначаных Указам № 13 «Аб некаторых пытаннях прадастаўлення грамадзянам дзяржаўнай падтрымкі пры будаўніцтве (рэканструкцыі) або набыцці жылых памяшканняў».
Заявы ад супрацоўнікаў, што стаяць на ўліку тыя. хто мае патрэбу ў паляпшэнні жыллёвых умоваў па месцы працы і жадаюць ажыццяўляць будаўніцтва кватэр, будуць прымацца адпаведнымі ўстановамі (арганізацыямі) з 17 кастрычніка па 16 лістапада.
Тым часам сярэдняя цана квадратнага метра ў Мінску дасягнула 1850 даляраў.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»26
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары