Minskim nastaŭnikam i vychavacielkam dziciačych sadkoŭ prapanujuć niedarahija kvatery ŭ Smalavičach
U Smalavičach praciahvajuć raści damy dla minskich čarhavikoŭ. Tak, prosta ciapier u horadzie-spadarožniku ŭzvodziać ceły kvartał panelnych damoŭ. U dvuch ź ich zmohuć budavacca nastaŭniki i vychavalniki, što pracujuć u dziaržaŭnych ustanovach adukacyi (škołach i sadkach). Kvatery im addaduć pa dobraj canie (880 dalaraŭ — za mietr).
Infarmacyja pra heta źjaviłasia ŭ haziecie «Minski kurjer», piša Realt.by.
Zaraz u Smalavičach dabudoŭvajuć dva šaścipaviarchovyja panelnyja damy — № 7 i № 10 pavodle hienpłana. Damy ŭ druhim kvartale buduć panelnyja na 4 padjezdy. Adzin ź ich uviaduć u stroj užo ŭ kastryčniku, druhi — u śniežni.
Pavodle rašeńnia Minabłvykankama 33 kvatery ŭ damach, što budujucca (29 kvater — u domie № 7 i 4 kvatery — u domie № 10), vydzielać supracoŭnikam dziaržaŭnych ustanoŭ daškolnaj i ahulnaj siaredniaj adukacyi, padparadkavanych upraŭleńniam pa adukacyi administracyj rajonaŭ Minska.
Košt kvadrata dla rabotnikaŭ adukacyi składzie 2601−2605 rubloŭ (kala 880 dalaraŭ). U košt uvachodzić i vykanańnie ŭnutranych azdobnych prac: špalery, linoleum, plitka.
Adznačajecca, što pry budaŭnictvie praduhledžana pradastaŭleńnie hramadzianam dziaržaŭnaj finansavaj padtrymki ŭ paradku i na ŭmovach, vyznačanych Ukazam № 13 «Ab niekatorych pytańniach pradastaŭleńnia hramadzianam dziaržaŭnaj padtrymki pry budaŭnictvie (rekanstrukcyi) abo nabyćci žyłych pamiaškańniaŭ».
Zajavy ad supracoŭnikaŭ, što stajać na ŭliku tyja. chto maje patrebu ŭ palapšeńni žyllovych umovaŭ pa miescy pracy i žadajuć ažyćciaŭlać budaŭnictva kvater, buduć prymacca adpaviednymi ŭstanovami (arhanizacyjami) z 17 kastryčnika pa 16 listapada.
Tym časam siaredniaja cana kvadratnaha mietra ŭ Minsku dasiahnuła 1850 dalaraŭ.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks26
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1919
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki19
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary