Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці
У МУС паведамілі, што гродзенскія блогеры Міхаіл Драгун і Яўгенія Тарасенка, якія збіралі грошы на лячэнне цяжкахворага дзіцяці, патрацілі частку сродкаў на дарагі аўтамабіль і кватэру ў элітным доме.
Як высветлілі сілавікі, пасля пачатку збору ахвяраванняў у сацыяльных сетках блогераў з’явіўся кантэнт пра «прыгожае жыццё». Падчас ператрусаў у іх жыллі знайшлі вялікую колькасць наяўных грошай і дарагую тэхніку. Для вываду сродкаў яны выкарыстоўвалі банкаўскія карты знаёмых.
«Яны набылі прэміум-аўто коштам у дзясяткі тысяч даляраў і кватэру ў элітным ЖК у абласным цэнтры. У жыллі знойдзена шмат наяўных грошай і дарагія гаджэты», — заяўляюць у міліцыі.
Як сцвярджае МУС, калі б грошы сапраўды пайшлі на лячэнне хлопчыка, то збор на яго патрэбы ўжо быў бы закрыты.
Ведамства апублікавала і відэа з затрыманымі, а таксама іх сябрамі і мамай дзіцяці, для якога быў арганізаваны збор. Жанчына ў роліку гаворыць, што падчас жывых эфіраў «проста сядзела побач» з партнёрам, а хлопец сцвярджае, што жыве на грошы, атрыманыя ад рэкламы. Па яго словах, з сабраных грошай ён узяў сабе «дай бог адзін працэнт», пасля паправіў на пяць працэнтаў. «Ну тысяч дзесяць даляраў — вось тое, што я сабе асабіста пакінуў», — заявіў ён урэшце.
Раней паведамлялася, што супрацоўнікі аддзела барацьбы з эканамічнымі злачынствамі затрымалі 17‑гадовага блогера Міхаіла Драгуна і яго 37‑гадовую сужыцельку Яўгенію Тарасенку. Тыя збіралі грошы, праводзячы розыгрышы сярод падпісчыкаў — за 10 рублёў можна было выйграць смартфон або аўтамабіль.
Усяго яны сабралі каля 1,5 мільёна рублёў, з якіх маці дзіцяці перадалі 200 тысяч. 315 тысяч пайшло на прызы, а астатнюю суму пара прысвоіла сабе.
Супраць затрыманых завялі крымінальную справу па артыкуле аб махлярстве ў асабліва буйным памеры. Ім пагражае да 12 гадоў пазбаўлення волі.
Маці хлопчыка з Гродна, якому дапамагалі збіраць грошы затрыманыя блогеры: Яны перадалі нам 257 тысяч, для нас гэта велізарныя грошы
Былы муж блогеркі, якая разам з 17‑гадовым жаніхом шыкавала на сабранае для хворага дзіцяці, раскрытыкаваў тых, хто гэтыя грошы ёй пераводзіў
Хто тыя 17‑гадовы блогер і яго 37‑гадовая нявеста, якія шыкоўна жылі на мільён, скрадзены са збору на хворае дзіця?
17‑гадовы блогер і яго 37‑гадовая дзяўчына патрацілі на сябе мільён рублёў, сабраны на дабрачыннасць
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос16
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1212
Каментары