Былую настаўніцу з Магілёва, якая перайшла ў SMM, асудзілі за «садзейнічанне экстрэмісцкай дзейнасці»
Магчыма, пераслед Наталлі Аўсеюшкінай звязаны са справай Гаюна.
Наталлі Аўсеюшкінай 35 гадоў. Родам яна з Магілёва. Як скончыла ўніверсітэт, працавала ў школах у Магілёве — да 2019 года.
Пасля гэтага Наталля перайшла ў сферу СММ. Яна прапануе стратэгіі для прасоўвання бізнэсу, стварэнне відэа-кантэнта і таргетаваную рэкламу, працуе як кантэнт-менеджар для розных кампаній.
У Наталлі ёсць муж, з якім яны разам больш за 10 гадоў, у іх ёсць мілы сабака. Аўсеюшкіна вядзе актыўны лад жыцця — займаецца спортам і гуляе ў вялікі тэніс.
З чэрвеня па кастрычнік гэтага года Наталля была за кратамі ў СІЗА.
Наталлю Аўсеюшкіну асудзілі ў кастрычніку 2025 года ў Магілёўскім абласным судзе па абвінавачанні ў «садзейнічанні экстрэмісцкай дзейнасці» (ч. 1 арт. 361‑4 КК). Падобна, ёй прысудзілі хатнюю хімію.
Сутнасць абвінавачанняў дакладна невядомая, але хутчэй за ўсё яны звязаныя са справай Гаюна.
«Наша Нiва» — бастыён беларушчыны
ПАДТРЫМАЦЬ
Каментары