Том Круз нарэшце атрымаў «Оскар»: яму ўручылі ганаровую ўзнагароду за ўнёсак у кіно
За больш чым 40 гадоў у кіно Круз чатыры разы намінаваўся на галоўную прэмію ў кіно, але ні разу не выйграў.
У Лос-Анджэлесе акцёру Тому Крузу ўпершыню ў кар’еры ўручылі ганаровы «Оскар». Узнагарода была прысуджаная 16 лістапада на цырымоніі Governor Awards, якая праходзіць асобна ад асноўнай цырымоніі «Оскар».
За больш чым 40 гадоў у кіно Круз чатыры разы намінаваўся на прэмію, але ні разу не выйграў, паведамляе Bild.
Круз раней намінаваўся як найлепшы акцёр за фільмы «Народжаны 4 ліпеня» і «Джэры Магуаер», як найлепшы акцёр другога плана за «Магнолію», а таксама як прадзюсар «Топ Ган: Мэверык».
Ганаровы «Оскар» лічыцца адной з самых прэстыжных узнагарод у кінабізнесе: сярод мінулых лаўрэатаў — Чарлі Чаплін, Джудзі Гарлэнд, Федэрыка Феліні, Фрэнсіс Форд Копала і Спайк Лі.
У Клінта Іствуда таксама ёсць ганаровы «Оскар», але таксама і чатыры рэальныя.
Цяпер у гэты спіс увайшоў і Том Круз, якога ў Галівудзе называюць «ратавальнікам кіно» за ўклад у адраджэнне кінематаграфа пасля пандэміі.
Круз праславіўся не толькі ролямі, але і сваімі рызыкоўнымі трукамі ў серыі «Місія невыканальная», а таксама працай з культавымі рэжысёрамі — ад Стэнлі Кубрыка да Пола Томаса Андэрсана.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары