Tom Kruz narešcie atrymaŭ «Oskar»: jamu ŭručyli hanarovuju ŭznaharodu za ŭniosak u kino
Za bolš čym 40 hadoŭ u kino Kruz čatyry razy naminavaŭsia na hałoŭnuju premiju ŭ kino, ale ni razu nie vyjhraŭ.
U Łos-Andželesie akcioru Tomu Kruzu ŭpieršyniu ŭ karjery ŭručyli hanarovy «Oskar». Uznaharoda była prysudžanaja 16 listapada na cyrymonii Governor Awards, jakaja prachodzić asobna ad asnoŭnaj cyrymonii «Oskar».
Za bolš čym 40 hadoŭ u kino Kruz čatyry razy naminavaŭsia na premiju, ale ni razu nie vyjhraŭ, paviedamlaje Bild.
Kruz raniej naminavaŭsia jak najlepšy akcior za filmy «Narodžany 4 lipienia» i «Džery Mahuajer», jak najlepšy akcior druhoha płana za «Mahnoliju», a taksama jak pradziusar «Top Han: Mevieryk».
Hanarovy «Oskar» ličycca adnoj z samych prestyžnych uznaharod u kinabiznesie: siarod minułych łaŭreataŭ — Čarli Čaplin, Džudzi Harłend, Fiederyka Fielini, Frensis Ford Kopała i Spajk Li.
U Klinta Istvuda taksama jość hanarovy «Oskar», ale taksama i čatyry realnyja.
Ciapier u hety śpis uvajšoŭ i Tom Kruz, jakoha ŭ Halivudzie nazyvajuć «ratavalnikam kino» za ŭkład u adradžeńnie kiniematahrafa paśla pandemii.
Kruz prasłaviŭsia nie tolki rolami, ale i svaimi ryzykoŭnymi trukami ŭ sieryi «Misija nievykanalnaja», a taksama pracaj z kultavymi režysiorami — ad Stenli Kubryka da Poła Tomasa Andersana.
-
«Skončycie ŭžo hetu bojniu». Režysior Źviahincaŭ atrymaŭ Hran-pry Kanskaha fiestyvalu i źviarnuŭsia sa sceny da Pucina
-
«Spačatku žančyny»: u hetym filmie žančyny kirujuć śvietam, a mužčyny vučacca być spakuślivymi, kab zrabić karjeru
-
«Minataŭr» Andreja Źviahincava — antyvajennaja drama, jakuju stojačy vitali ŭ Kanach
Kamientary