Мінчук 30 гадоў таму забіў былога мужа сваёй каханай. Цяпер яго знайшлі і далі 12 гадоў калоніі
Гэта забойства здарылася 30 гадоў таму. Мінчук пачаў сустракацца з калегай, якая развялася са сваім мужам. Жанчына працягвала жыць з былым, які ствараў невыносныя ўмовы. І яе новы абраннік рашыў дапамагчы.
Познім вечарам у сакавіку 1995 года ён высачыў былога мужа калегі, распыліў яму ў твар газавы балончык, не менш за 20 разоў ударыў малатком па галаве і перарэзаў горла лязом брытвы.
Каб забітага хутка не знайшлі і не выратавалі, мужчына выкруціў лямпачку ў пад'ездзе.
Былы муж жанчыны памёр ад кровазліцця ў мозг і вострай страты крыві.
Разгляд крымінальнай справы неаднаразова прыпыняўся з-за адсутнасці падазраванага, паведамляе пракуратура Мінска. У 2008 годзе ўдалося ўстанавіць, што адбіткі пальцаў на выкручанай лямпачцы належалі новаму абранніку жанчыны. У той час яны ўжо ажаніліся і жылі ў доме, дзе адбылося забойства. Але тады не ўдалося сабраць дастатковых доказаў для прызнання мужчыны падазраваным. Справу зноў прыпынілі.
У 2025 годзе з дапамогай сучаснага абсталявання ўдалося даказаць, хто быў забойцам.
Мінскі гарадскі суд прызнаў мінчука, якому цяпер ужо 66 гадоў, вінаватым у забойстве з асаблівай жорсткасцю. Яго прыгаварылі да 12 гадоў калоніі ўзмоцненага рэжыму. Прысуд не ўступіў у законную сілу і можа быць абскарджаны.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым4
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары