Minčuk 30 hadoŭ tamu zabiŭ byłoha muža svajoj kachanaj. Ciapier jaho znajšli i dali 12 hadoŭ kałonii
Heta zabojstva zdaryłasia 30 hadoŭ tamu. Minčuk pačaŭ sustrakacca z kalehaj, jakaja raźviałasia sa svaim mužam. Žančyna praciahvała žyć z byłym, jaki stvaraŭ nievynosnyja ŭmovy. I jaje novy abrańnik rašyŭ dapamahčy.
Poźnim viečaram u sakaviku 1995 hoda jon vysačyŭ byłoha muža kalehi, raspyliŭ jamu ŭ tvar hazavy bałončyk, nie mienš za 20 razoŭ udaryŭ małatkom pa hałavie i pierarezaŭ horła lazom brytvy.
Kab zabitaha chutka nie znajšli i nie vyratavali, mužčyna vykruciŭ lampačku ŭ padjeździe.
Były muž žančyny pamior ad krovaźlićcia ŭ mozh i vostraj straty kryvi.
Razhlad kryminalnaj spravy nieadnarazova prypyniaŭsia z-za adsutnaści padazravanaha, paviedamlaje prakuratura Minska. U 2008 hodzie ŭdałosia ŭstanavić, što adbitki palcaŭ na vykručanaj lampačcy naležali novamu abrańniku žančyny. U toj čas jany ŭžo ažanilisia i žyli ŭ domie, dzie adbyłosia zabojstva. Ale tady nie ŭdałosia sabrać dastatkovych dokazaŭ dla pryznańnia mužčyny padazravanym. Spravu znoŭ prypynili.
U 2025 hodzie z dapamohaj sučasnaha abstalavańnia ŭdałosia dakazać, chto byŭ zabojcam.
Minski haradski sud pryznaŭ minčuka, jakomu ciapier užo 66 hadoŭ, vinavatym u zabojstvie z asablivaj žorstkaściu. Jaho pryhavaryli da 12 hadoŭ kałonii ŭzmocnienaha režymu. Prysud nie ŭstupiŭ u zakonnuju siłu i moža być abskardžany.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary