ФСБ паведаміла, што ў Маскве нібыта спрабавалі арганізаваць выбух на прэстыжных Траякураўскіх могілках, цэллю якога меў стаць былы міністр абароны, а цяпер сакратар Рады бяспекі Расіі Сяргей Шайгу. Замах планаваўся на 12 лістапада — у дзень угодкаў смерці яго маці.
Паведамляецца, што да арганізацыі тэракта былі нібыта прыцягнутыя нарказалежныя мужчына і жанчына, а таксама мігрант з Таджыкістана, які ў Расіі знаходзіцца ў вышуку за забойства і незаконную зброю.
Таджык, паводле версіі спецслужбаў, сабраў самаробную выбуховую прыладу, а пара адвезла яе на могілкі і ўстанавіла каля магілы маці Шайгу — Аляксандры. Гэта адбылося 11 лістапада, за дзень да меркаванага замаху. Побач у вазе з кветкамі паставілі камеру, каб сачыць за сітуацыяй і ўключыць дэтанатар у момант прыходу Шайгу.
14 лістапада ФСБ паказала відэа абясшкоджання выбухоўкі і затрымання трох чалавек.
У затрыманых знайшлі перапіску ў WhatsApp і Signal, дзе яны атрымлівалі інструкцыі ад куратара.
Паведамляецца, што двое знаходзяцца ў цяжкім стане ў рэабілітацыйным цэнтры. Пасля выздараўлення ўсім траім пагражае пакаранне аж да пажыццёвага зняволення.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці10
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары