Жыхар Брэста перастаў быць шматдзетным бацькам пасля генетычнай экспертызы
З пазовам аб аспрэчванні бацькоўства ў суд звярнуўся жыхар Брэсцкай вобласці. Мужчына разам з былой жонкай выхоўваў чатырох дзяцей.
Падчас сваркі жанчына сказала, што ён не з’яўляецца бацькам. Яе словы сталі нечаканасцю, мужчына вырашыўся на правядзенне генетычнай экспертызы ў судовым парадку.
Пры правядзенні даследавання біялагічных узораў жыхара Брэсцкай вобласці і чатырох дзяцей эксперты Дзяржкамітэта судовых экспертыз па Брэсцкай вобласці выключылі біялагічнае сваяцтва мужчыны ў дачыненні дзяцей.
Вынікі экспертызы сталі падставай для выключэння з запісу акта аб нараджэнні дзяцей звестак пра яго бацькоўства. Вось і аліменты плаціць не трэба.
Каментары
Цяпер да аўтара гэтага артыкула. Ці аўтаркі? Здаецца другое. Таму што толькі аўтарка магла здзекліва дапісаць у канцы "Вось і аліменты плаціць ня трэба". Канешне ж, уся справа ў аліментах, а не ў тым, што маці прагаварылася ў сварцы і мужчына зразумеў, што столькі год жыў у ілжы і яго дзеткі аказваецца не яго. Гэта вельмі сумна і хто ставіць падабайкі, прадстаўце сябе на яго месцы, таксама смешна?