Каліноўцу Максіму Ралько, які невядома як апынуўся ў Беларусі, прысудзілі 10 гадоў калоніі
Максім Ралько прыгавораны да пазбаўлення волі тэрмінам на 10 гадоў з адбываннем пакарання ў папраўчай калоніі ўзмоцненага рэжыму, паведаміла Генпракуратура.
«Будучы членам злачыннай арганізацыі «Полк імя Кастуся Каліноўскага», з красавіка 2022 года па студзень 2024 года ён прайшоў навучанне з мэтай удзелу ў экстрэмісцкай дзейнасці. У складзе экстрэмісцкага фармавання ён знаходзіўся ў якасці баевіка розных структурных падраздзяленняў. Не будучы ўпаўнаважаным дзяржавай, ён узяў удзел ва ўзброеным канфлікце і ваенных дзеяннях на тэрыторыі Украіны», — гаворыцца ў паведамленні Генпракуратуры.
Вядома, што Максім Ралько (пазыўны «Сцяганосец») прыйшоў у Полк Каліноўскага ў 2022 годзе, у 21 год, і на баявыя не выязджаў. Служыў у тыле: стаяў на браме базы і ахоўваў склады.
У пачатку 2024‑га Ралько звольніўся з палка і вярнуўся ў Варшаву. Пачаў вывучаць тэсціраванне ў IT, хадзіў на акцыі пратэсту, працаваў ахоўнікам у «Бядронцы». Ён атрымаў статус дадатковай абароны.
Праз пару месяцаў пасля вяртання з Украіны ў Польшчу, пісала «Медыязона», Максім пасварыўся з сябрамі і знік. Аднаго з іх ён абвінаваціў у шпіянажы.
Потым выйшаў на сувязь у маі 2024 года. Расказаў, што знаходзіцца ў Германіі і вырашыў там падацца на бежанства. Пазней Максім паведаміў, што збег з лагера для ўцекачоў і пакінуў усе дакументы, уключаючы пашпарт.
Але пазней Максім чамусьці рашыў вярнуцца ў Беларусь. Хлопца затрымалі ў пункце пропуску «Брэст». Яго паказвалі ў прапагандысцкіх сюжэтах на дзяржканалах.
Цяпер чытаюць
У Еўрасаюзе 550 тысяч беларусаў з дазволамі на жыхарства4
Каментары
У меня к вам хорошее предложение.Там ваш конюх, возомнивший себя президентом,строит самый высокий в Минске хмарачос. Почему бы вам не прыгнуть с разбегом вниз?