Актрыса Святлана Яцэвіч памерла ў дваццатых датах лістапада. Пра гэта ў сацыяльных сетках паведамілі яе сябры. Дакладная дата смерці не называецца. Ёй было 57 гадоў.
У дзевяностыя гады Яцэвіч іграла ў мінскім тэатры «Дзе-Я?» (цяпер Новы драматычны). Практычна ўсе пастаноўкі мелі паралельныя беларускамоўныя і англамоўныя варыянты. Калектыў шмат разоў браў удзел у тэатральных фестывалях у краінах Балтыі, ва Украіне і Расіі, а таксама ў Эдынбургу ў Шатландыі, піша «Люстэрка».
У дзясятыя гады працавала ў Мінскім абласным драматычным тэатры (у Маладзечне) і ў сталічным Камерным драматычным тэатры. Здымалася ў серыялах «Двое жанчын і мужчына», «Ecce homo», «Мухтар. Новы след».
Яцэвіч стварыла ўласны тэатр для людзей з сіндромам Даўна. «У 2007 годзе мне трапілася аб’ява: патрэбен чалавек для рэабілітацыі пацыентаў у дарослы псіханеўралагічны інтэрнат № 3 у Навінках. І вось я пайшла працаваць туды», — распавядала яна ў інтэрв’ю. У наступным годзе яна стварыла тэатр «Сонечныя дзеці» грамадскага аб’яднання «Даўн сіндром», які дзейнічаў пры Тэрытарыяльным цэнтры сацабслугоўвання насельніцтва Маскоўскага раёна Мінска.
«Дзеткі з сіндромам Даўна — мае любімыя. Ну як дзеці, некаторым з іх і па 35 гадоў, але яны ўсё роўна дзеці. Галоўнае, што гэта людзі, якім можна верыць. У іх жа няма другога дна: яны злуюць — значыць злуюць, радуюцца — значыць радуюцца, прымаюць цябе — значыць прымаюць, не — дык пайшоў адсюль», — казала Яцэвіч.
-
Ксёндз касцёла ў Жупранах грунтоўна адказаў на прэтэнзіі пра рамонт у храме, дзе пахаваны Багушэвіч
-
Уладзімір Някляеў з нагоды свайго 80‑годдзя напісаў сабе некралог — жартаўлівы і філасофскі
-
У Мінску зносяць міжваенную бальніцу працы французскага архітэктара. Знішчыць помнік дапамагалі два мясцовыя акадэмікі
Каментары