Прэм'ер-міністр Венгрыі Віктар Орбан заявіў, што адзіным магчымым рашэннем для спынення вайны з'яўляецца наданне Украіне статусу «буфернай» дзяржавы, а таксама абвінаваціў еўрапейскіх лідараў у наўмысным зацягванні канфлікту дзеля сваёй выгады.
Прэм'ер-міністр Венгрыі Віктар Орбан, які нядаўна сустракаўся з Уладзімірам Пуціным у Маскве, агучыў сваё бачанне шляху да міру. Ён заявіў, што адзіным магчымым рашэннем для спынення вайны з'яўляецца наданне Украіне статусу «буфернай дзяржавы».
Орбан выступіў з прамовай, у якой заявіў пра «ваяўнічую» пазіцыю «брусельскай эліты». Ён абвінаваціў еўрапейскіх лідараў у распальванні канфлікту дзеля фінансавай выгады. Таксама венгерскі прэм'ер сцвярджае, што заходнія краіны зацікаўлены ў працягу канфлікту, бо вераць у магчымасць перамогі Украіны на полі бою.
«Еўрапейцы хочуць вайны. Не думайце, што на Захадзе думаюць гэтаксама, як мы тут. За гэтым [жаданнем вайны] стаяць грошы», — заявіў Орбан.
Ён раскрытыкаваў эвалюцыю заходняй дапамогі: ад фінансавання да паставак зброі, а цяпер, па яго словах, гучаць заявы пра магчымую адпраўку салдат, у тым ліку з боку Францыі.
Частку свайго выступу Орбан прысвяціў трансляцыі наратываў Крамля, апраўдваючы расійскую агрэсію.
Ён сказаў, што жаданне Захаду інтэграваць Украіну ў ЕС і НАТА Масква ўспрымае як пагрозу, бо гэта набліжае сучасную зброю да расійскіх межаў.
Ён сказаў, што расіяне «таксама маюць права на ўласную бяспеку» і не хочуць быць суседзямі членаў НАТА.
Венгерскі лідар перакананы, што чым даўжэй Захад марудзіць з заключэннем міру, тым больш тэрыторый і людзей страціць Украіна, і адзіным рашэннем бачыць вяртанне Украіны да статусу «буфернай дзяржавы».
Віктар Орбан 28 лістапада наведаў Маскву, дзе сустрэўся з Уладзімірам Пуціным. Афіцыйнай мэтай паездкі было забеспячэнне Венгрыі энерганосьбітамі на зіму, але Будапешт, як і Мінск, хоча стаць пляцоўкай для мірных перамоў.
-
«Сядзець на вяршыні гары ў Швейцарыі і піць да страты пульсу». Рутэ расказаў пра іх з Зяленскім планы на пасля вайны
-
Сярод забітых у Кракаве — двое замежнікаў. Грамадзянства адной ахвяры пакуль не называюць
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку39
Каментары
Болей таго, краіны НАТА могуць нават збіваць самалеты Расеі. І нічога не адбываецца, паводзяць сабе гэтыя піцерскія гопнікі як паслушныя зайчыкі, з моцнымі краінамі.