Premjer-ministr Vienhryi Viktar Orban zajaviŭ, što adzinym mahčymym rašeńniem dla spynieńnia vajny źjaŭlajecca nadańnie Ukrainie statusu «bufiernaj» dziaržavy, a taksama abvinavaciŭ jeŭrapiejskich lidaraŭ u naŭmysnym zaciahvańni kanfliktu dziela svajoj vyhady.
Premjer-ministr Vienhryi Viktar Orban, jaki niadaŭna sustrakaŭsia z Uładzimiram Pucinym u Maskvie, ahučyŭ svajo bačańnie šlachu da miru. Jon zajaviŭ, što adzinym mahčymym rašeńniem dla spynieńnia vajny źjaŭlajecca nadańnie Ukrainie statusu «bufiernaj dziaržavy».
Orban vystupiŭ z pramovaj, u jakoj zajaviŭ pra «vajaŭničuju» pazicyju «brusielskaj elity». Jon abvinavaciŭ jeŭrapiejskich lidaraŭ u raspalvańni kanfliktu dziela finansavaj vyhady. Taksama vienhierski premjer śćviardžaje, što zachodnija krainy zacikaŭleny ŭ praciahu kanfliktu, bo vierać u mahčymaść pieramohi Ukrainy na poli boju.
«Jeŭrapiejcy chočuć vajny. Nie dumajcie, što na Zachadzie dumajuć hetaksama, jak my tut. Za hetym [žadańniem vajny] stajać hrošy», — zajaviŭ Orban.
Jon raskrytykavaŭ evalucyju zachodniaj dapamohi: ad finansavańnia da pastavak zbroi, a ciapier, pa jaho słovach, hučać zajavy pra mahčymuju adpraŭku sałdat, u tym liku z boku Francyi.
Častku svajho vystupu Orban pryśviaciŭ tranślacyi naratyvaŭ Kramla, apraŭdvajučy rasijskuju ahresiju.
Jon skazaŭ, što žadańnie Zachadu intehravać Ukrainu ŭ ES i NATA Maskva ŭsprymaje jak pahrozu, bo heta nabližaje sučasnuju zbroju da rasijskich miežaŭ.
Jon skazaŭ, što rasijanie «taksama majuć prava na ŭłasnuju biaśpieku» i nie chočuć być susiedziami členaŭ NATA.
Vienhierski lidar pierakanany, što čym daŭžej Zachad marudzić z zaklučeńniem miru, tym bolš terytoryj i ludziej stracić Ukraina, i adzinym rašeńniem bačyć viartańnie Ukrainy da statusu «bufiernaj dziaržavy».
Viktar Orban 28 listapada naviedaŭ Maskvu, dzie sustreŭsia z Uładzimiram Pucinym. Aficyjnaj metaj pajezdki było zabieśpiačeńnie Vienhryi enierhanośbitami na zimu, ale Budapiešt, jak i Minsk, choča stać placoŭkaj dla mirnych pieramoŭ.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary
Bolej taho, krainy NATA mohuć navat źbivać samalety Rasiei. I ničoha nie adbyvajecca, pavodziać sabie hetyja picierskija hopniki jak pasłušnyja zajčyki, z mocnymi krainami.