«Белавія» абвясціла зніжкі на ўсе кірункі, але акцыя дзейнічае толькі адзін дзень
10 снежня па тарыфе «Прома» можна набыць квіткі на ўсе рэгулярныя рэйсы «Белавія» са зніжкай. Але яна не распаўсюджваецца на таксы і зборы.
Акцыя дзейнічае на прамыя вылеты з Мінска, Гомеля, Брэста, Магілёва і ў зваротным кірунку. Можна набыць квіток у адзін бок або ў абодва.
Ляцець з акцыйнымі квіткамі можна ўжо сёння і да 28 сакавіка. Колькасць білетаў абмежаваная. Набыць іх можна толькі на сайце авіякампаніі. Але важна ўлічваць: квіток, набыты з тарыфам «Прома», не падлягае вяртанню і абмену.
Напрыклад, у Дубай можна набыць квіткі ад 430 рублёў у адзін бок. У Стамбул — ад 379 рублёў. У Дэлі — ад 532 рублёў. У Баку — ад 270 рублёў. На Шры-Ланку (Хамбантота) — ад 755 рублёў. У Тэль-Авіў — ад 452 рублёў.
«Белавія» выконвае рэгулярныя рэйсы ў наступныя гарады: Масква, Санкт-Пецярбург, Калінінград, Мурманск, Махачкала, Сочы, Казань, Екацярынбург, Тбілісі, Батумі, Кутаісі, Ерэван, Баку, Астана, Ташкент, Туркменбашы, Урумчы, Дубай, Стамбул, Дэлі, у горад Хамбантота на Шры-Ланцы, а таксама будзе з студзеня лётаць у Тэль-Авіў.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага26
Каментары