Лаўроў заявіў, што Расія не думала нападаць на Украіну і не збіраецца атакаваць Еўропу
Расія перад пачаткам вайны не збіралася ўрывацца ва Украіну, разлічвала дамовіцца пра бяспеку з ЗША і НАТА, заявіў кіраўнік МЗС РФ Сяргей Лаўроў. Цяпер ён гатовы гарантаваць бяспеку Еўропе.
«У снежні 2021 года, за два месяцы да пачатку спецыяльнай ваеннай аперацыі, мы не падумвалі ні пра што, акрамя як пра мірнае ўрэгуляванне. Перадалі ЗША і Паўночнаатлантычнаму альянсу праекты дакументаў, якія былі нацэлены на тое, каб узгадніць гарантыі бяспекі на заходнім напрамку», — сказаў Лаўроў.
Лаўроў запэўніў, што на дадзены момант Расія таксама не выношвае ніякіх агрэсіўных планаў у дачыненні да членаў НАТА і краін Еўрасаюза, Масква гатовая юрыдычна зафіксаваць адпаведныя гарантыі.
«Гатовыя пісьмова, у юрыдычным дакуменце зафіксаваць адпаведныя гарантыі. Зразумела, на калектыўнай, узаемнай аснове», — сказаў Лаўроў.
Пры гэтым ён заявіў, што на дадзены момант у Еўропе пануе «мілітарысцкі чад» і, калі еўрапейскія краіны вырашаць ваяваць з Расіяй, то Масква да гэтага гатовая «хоць цяпер».
Таксама галоўны дыпламат РФ сказаў, што «Кіеў з цяперашнім «узроўнем свядомасці» наўрад ці гатовы да сур’ёзных перамоваў, «наяўнасць свядомасці» еўрапейскіх кіраўнікоў, дадаў Лаўроў, таксама выклікае ў яго сумневы.
Хто тая беларуска, якую экстрадавалі ў ЗША для суда за кантрабанду дэталяў для самалётаў8
Каментары