Свет77

Спікер Сейма Літвы дапусціў змяненне адносін з Беларуссю: адны толькі санкцыі даюць вынік, але не канчатковы

Спікер літоўскага Сейма Юозас Олекас заявіў, што перамовы з Мінскам ідуць і на тэхнічным, і на палітычным узроўні — праз пасярэднікаў, піша LRT.

Фота: lrs.lt

Спікера Сейма папрасілі пракаментаваць словы Дэйвідаса Матулёніса, дарадцы прэзідэнта, які кажа, што Літва можа зрабіць саступкі Беларусі, каб самой атрымаць выгаду. 

— Я не хачу раскрываць усе закулісныя падрабязнасці таго, дзе праходзяць перамовы. Як вы ведаеце, сёння ў Сейме мы адклалі прыняцце падрыхтаванай намі рэзалюцыі, каб знайсці магчымасці для абмеркавання розных варыянтаў, бо нам патрэбна бяспека, нам патрэбны эканамічны рост, і гэта не заўсёды дасягаецца толькі жорсткай пазіцыяй, але гэта дасягаецца і дыпламатычнымі каналамі, і таму нараджаюцца такія прапановы, — сказаў ён.

На ўдакладненне, ці могуць адбыцца змены ў адносінах з Беларуссю, Олекас адказаў сцвярджальна.

— Ну, так. Мы спадзяёмся, што спачатку будуць вызваленыя ўсе палітычныя зняволеныя, што вернецца наш транспарт, які затрыманы, і таму мы і размаўляем. Па-першае, мы размаўляем на тэхнічным узроўні і мы размаўляем самі з Беларуссю, а на палітычным узроўні мы размаўляем праз нашых саюзнікаў.

Палітык адзначае, што пытанне наладжвання адносін з Беларуссю — няпростае. 

— Я лічу, што мы ўсе павінны парадавацца і павіншаваць людзей, якія пасля 4 гадоў турмы выйшлі на волю. Заўтра я сустракаюся з Алесем Бяляцкім, магчыма, сустрэнуся пагаварыць і з іншымі — пра тое, што мы можам зрабіць, каб жыццё беларускіх людзей палегчыла.

І, безумоўна, такая наша жорсткая пазіцыя з санкцыямі, з ціскам, дае пэўны вынік, але не дае канчатковага. Таму мова нашых саюзнікаў, мова амерыканцаў, — гэта так званая палітыка «бізуна і перніка». Мы ўжо маем, верагодна, некалькі соцень — можам налічыць амаль 200 — палітычных зняволеных і яркіх асоб, якія выпушчаныя на волю. Безумоўна, гэтае гандлёвае пытанне таксама паўстала, але мы арыентуемся, раімся і вядзём дыскусіі з партнёрамі, з саюзнікамі як на ўзроўні НАТА, так і на ўзроўні Еўрапейскага саюза, каб дасягнуць найлепшага выніку: каб рэжым не адчуў сябе пераможцам, каб ні Літва, ні дэмакратычныя еўрапейскія дзяржавы не прайгралі і каб палітычныя зняволеныя маглі атрымаць свабоду, — адказаў ён.

Каментары7

  • Кабета
    17.12.2025
    [Рэд. — Дзякуй, выправiлi]

    [Зрэдагавана]
  • Terr
    17.12.2025
    гэта проксіпалітыка
  • Поцык
    17.12.2025
    риалпозорик, себе же хуже делают, потом бежать будут в Америку. Усиливающаяся диктатура по соседству не несёт ничего хорошего.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

У Пятрухіна на стрыме выбілі з рук тэлефон. Блогер абрынуўся на беларусаў Уроцлава37

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць