Блогерка Вольга Такарчук прапаноўвае перайменаваць адну з вуліц Мінска ў вуліцу Мікіты Мелказёрава.
Вольга Такарчук кажа, што ў некаторых выпусках Мікіты Мелказёрава была тэма пра вуліцы ў Мінску, якія трэба перайменаваць. Там згадваліся і Ландэр, і Шаранговіч, і Гамарнік, і Дастаеўскі з Пушкіным.
«Я падумала: мы так шмат гаворым пра тое, што, калі вернемся, трэба будзе пераймяноўваць вуліцы. Трэба. У нас вельмі шмат сваіх герояў. У нас ёсць свой Пушкін — нам не патрэбны Аляксандр, у нас ёсць Алесь Пушкін. У нас ёсць Вітольд Ашурак, Тарайкоўскі, Бандарэнка, Марыя Зайцава, якая ваявала за Украіну. Прабачце, каго не ўспомню, бо герояў у нас вельмі шмат. І вось цяпер у нас ёсць Мікіта Мелказёраў. Нам абавязкова патрэбная вуліца яго імя», — кажа яна.
Такарчук згадвае, што Мікіта распавядаў, як гуляў у футбол на вуліцы Гамарніка.
«Гамарніка — адзін з маіх футбольных адрасоў. Там знаходзяцца дзве паляны са штучным газонам, дзе мы гулялі з хлопцамі. А калі праехаць вышэй, бліжэй да Лагойскага тракта, дык каля макдака злева прадавалі найлепшую, на мой густ, шаўрму ў горадзе. Яна назаўжды ў маім сэрцы», — распавядаў Мікіта.
Такарчук кажа, што, калі мы вернемся, яна абавязкова з'есць гэтую шаўрму.
«З’ем і за сябе, і за яго. І вось замест Гамарніка цяпер хай будзе вуліца Мелказёрава», — кажа яна.
-
У Мінску прадалі кватэру, у якой была зарэгістраваная Аляксандра Герасіменя
-
Пісаў у чатах па-беларуску і сам рамантаваў сваё аўто. Кіраўніка інавацый IT-кампаніі 4RM Systems кінулі за краты за палітыку
-
Лукашэнка прыехаў на «раптоўную» праверку боегатоўнасці Узброеных сіл. Міністра папярэдзілі а 7‑й раніцы
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя10
Каментары
Я вось могу зразумець вуліцу "Андрея Зельцера", бо ён аказаў супраціў і быў забіт.
На зямлю трэба спусціцца і ўшаноўваць памяць канкрэтнымі справамі ў бягучых варунках, а не гэтым "ябхацела". Бяры і рабі ягоны праэкт "Маліна" лепш далей, а не ў летуценнях атабарвайся!