Былая каманда Ціханоўскага перазапусціла сваё шоу на новым канале
Вядучыя шоу «Вечаровы кефір» — Вольга Такарчук і Яўген Салянкоў.
Былая каманда Сяргея Ціханоўскага адкрыла новы ютуб-канал. Ён называецца «Вечаровы кефір».
«Вечаровы кефір» — незалежнае інфармацыйна-забаўляльнае шоу пра жыццё і падзеі ў Беларусі без прапаганды. Кожны тыдзень — навіны рэгіёнаў, сацыяльныя і культурныя тэмы, медыя і трэнды ў лёгкай, іранічнай форме. Вядоўцы: Вольга Такарчук і Яўген Салянкоў», — гаворыцца ў апісанні канала.
Раней праграма «Вечаровы кефір» выходзіла на канале Сяргея Ціханоўскага, але, як распавядала «Люстэрку» Вольга Такарчук, канал фактычна спыніў сваю працу праз фінансы і канфлікт у камандзе з уладальнікам.
Сяргей Ціханоўскі патлумачыў, што як такое блогерства яго цяпер не цікавіць. «Для дасягнення нашых мэт цяпер патрэбныя іншыя палітычныя інструменты», — сказаў ён.
«YouTube-канал «Краіна для жыцця» існаваў па сваіх правілах, пакуль я быў у зняволенні. І, як вы разумееце, я не ўплываў на рэдакцыйную палітыку, кантэнт і стратэгію. Я падумаю, як выкарыстоўваць патэнцыял гэтага брэнда, але цяпер гэта не галоўнае», — патлумачыў ён.
На канале Сяргея Ціханоўскага — 233 тысячы падпісчыкаў. На новым канале «Вечаровы кефір» — пакуль 202 падпісчыкі.
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў9
Каментары