Byłaja kamanda Cichanoŭskaha pierazapuściła svajo šou na novym kanale
Viadučyja šou «Viečarovy kiefir» — Volha Takarčuk i Jaŭhien Salankoŭ.
Byłaja kamanda Siarhieja Cichanoŭskaha adkryła novy jutub-kanał. Jon nazyvajecca «Viečarovy kiefir».
«Viečarovy kiefir» — niezaležnaje infarmacyjna-zabaŭlalnaje šou pra žyćcio i padziei ŭ Biełarusi biez prapahandy. Kožny tydzień — naviny rehijonaŭ, sacyjalnyja i kulturnyja temy, miedyja i trendy ŭ lohkaj, iraničnaj formie. Viadoŭcy: Volha Takarčuk i Jaŭhien Salankoŭ», — havorycca ŭ apisańni kanała.
Raniej prahrama «Viečarovy kiefir» vychodziła na kanale Siarhieja Cichanoŭskaha, ale, jak raspaviadała «Lusterku» Volha Takarčuk, kanał faktyčna spyniŭ svaju pracu praź finansy i kanflikt u kamandzie z uładalnikam.
Siarhiej Cichanoŭski patłumačyŭ, što jak takoje błohierstva jaho ciapier nie cikavić. «Dla dasiahnieńnia našych met ciapier patrebnyja inšyja palityčnyja instrumienty», — skazaŭ jon.
«YouTube-kanał «Kraina dla žyćcia» isnavaŭ pa svaich praviłach, pakul ja byŭ u źniavoleńni. I, jak vy razumiejecie, ja nie ŭpłyvaŭ na redakcyjnuju palityku, kantent i stratehiju. Ja padumaju, jak vykarystoŭvać patencyjał hetaha brenda, ale ciapier heta nie hałoŭnaje», — patłumačyŭ jon.
Na kanale Siarhieja Cichanoŭskaha — 233 tysiačy padpisčykaŭ. Na novym kanale «Viečarovy kiefir» — pakul 202 padpisčyki.
Ciapier čytajuć
Kudy ciapier jeduć vučycca biełaruskija studenty — top krain i tendencyj11
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary