Жыхарка Бярозаўскага раёна звярнулася ў міліцыю, бо яе сын паставіў яе ў цяжкае матэрыяльнае становішча. Як паведамляе Генеральная пракуратура, мужчына рэгулярна праводзіў час у азартных гульнях, у тым ліку ў інтэрнэт-гульнях, прайграваў значныя сумы, жыў за кошт маці і нават аформіў некалькі крэдытаў, якія таксама патраціў на гульні.
Па выніках праверкі пракурор Бярозаўскага раёна звярнуўся ў суд з заявай аб абмежаванні сына ў наведванні гульнявых устаноў і ўдзеле ў азартных гульнях. Суд задаволіў хадайніцтва ў поўным аб’ёме: беларусу забаранілі ўдзельнічаць у азартных гульнях і наведваць гульнявыя сэрвісы тэрмінам на тры гады.
У пракуратуры адзначылі, што згодна з Палажэннем аб дзейнасці ў сферы азартных гульняў, калі чалавек з-за ўдзелу ў азартных гульнях ставіць сябе або сваю сям’ю ў цяжкае матэрыяльнае становішча, суд можа абмежаваць яго права ўдзельнічаць у гульнях на тэрмін ад паўгода да трох гадоў.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары