«Часам хочацца напіцца, каб галава круцілася». Турчын прынёс Лукашэнку на нараду бляшанку снюсу
Падчас сённяшняй нарады Лукашэнкі з кіраўніцтвам Савета Міністраў абмяркоўвалася пытанне ўзмацнення ліцэнзавання гандлю электроннымі сігарэтамі і іншыя праблемы, з гэтым звязаныя. Кіраўнік урада Аляксандр Турчын пад гэту нараду прынёс Лукашэнку наглядны матэрыял — бляшанку са снюсам, здробленым увільготненым тытунём.
Паміж Лукашэнкам і Турчыным з гэтай нагоды адбыўся такі дыялог:
«Лукашэнка: І што, пад язык кладзеш?
Турчын: І атрымліваеш дозу нікаціну.
— То-бок галава круціцца?
— Так-так-так.
— Цікава. Часам хочацца напіцца, каб галава круцілася, і ад губернатара Гродзенскай вобласці не атрымліваць інфармацыю, што цяляты ў яго дохнуць».
Падчас гэтай размовы Лукашэнка настойліва спрабаваў адкрыць бляшанку, але ў яго нічога не атрымлівалася. Турчын прапанаваў дапамогу, але Лукашэнка яе не прыняў — маўляў, усё адно закладаць сабе сродак пад язык пакуль не збіраецца. На рэпліку ж Турчына, што сродак дапамагае супакоіцца, адрэагаваў:
«А ён супакойвае? Галоўнае, каб ты ўжо не пачаў супакойвацца гэтым».
Канкрэтна ж па тэме электронных цыгарэт Лукашэнка сказаў:
«Я наогул у курыве слаба разбіраюся, як і ў алкаголі. Таму хацелася б ад спецыялістаў, якія або кураць, або ўніклі ў гэтую тэму, каб патлумачылі, што гэта такое. Кажуць, што гэта горшае, чым тытунь. Паслухаем і прымем адпаведнае рашэнне.
Самае галоўнае — я катэгарычны праціўнік як алкаголю, так і курэння. Але курэнне — гэта жах. Ну выпіў там 100 грам… Хто не п'е? П'юць. А курыць — гробіць сваё здароўе, калі медыкі ўжо дакладна ведаюць, што рак лёгкага — першапрычына — гэта курэнне. Паспрабуем знайсці раўнавагу».
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні
«Я толькі не разумею, для каго пабудавалі АЭС?» Даўно ніякая тэма не выклікала такіх эмоцый, як адключэнне святла на загад Лукашэнкі
«Саладуха выклаў сэлфі з цэнтра сталіцы»: беларусы жартуюць пра блэкаўт па загадзе Лукашэнкі
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў9
Каментары
Зусім дах паехаў.