«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні
«Па кошце тры малочна-таварныя комплексы і сем прафілакторыяў для цялят».
Аляксандр Лукашэнка падчас нарады з кіраўніцтвам урада выказаўся наконт змянення рэжыму вулічнага асвятлення, піша БелТА.
Лукашэнка заявіў, што выключэнне вулічнага асвятлення на кароткі час дае значную эканомію.
«Кухараў [старшыня Мінгарвыканкама] на 15 хвілін ці нават на 10 святло выключыў раней — божа мой, з Украінай параўналі! Дзесяць хвілін! А ніхто не палічыў, што гэтыя 10—15 хвілін, як Уладзімір Яўгенавіч кажа, за год даюць па кошце тры малочна-таварныя комплексы і сем прафілакторыяў для цялят, як цяпер модна казаць.
Але самае галоўнае: з 1 лютага (я падпісаў указ) — павышэнне пенсій. Няхай і нязначнае, на 10%, але пенсіі ў гэтых умовах пенсіянерам павысілі. Калі за год узяць гэтую эканомію (на вулічным асвятленні), гэта практычна і ёсць гэтае павышэнне. Дзесяць хвілін можна пацярпець», — сказаў Лукашэнка.
Ён лічыць, што гэта не людзі абураны былі адсутнасцю асвятлення, а тэму спецыяльна нагнятаюць «збеглыя».
«Думаю, ну адкуль жа тэма ўзялася? ІПСА [інфармацыйна-псіхалагічная спецыяльная аперацыя] збеглых. Гэта ж яны адтуль закінулі. З космасу. І з Украінай параўналі. Ды куды нас, «таталітарную» дзяржаву, з «дэмакратычнай» Украінай параўноўваць?!
Але, калі яшчэ раз такое ІПСА, з аднаго боку, а з другога боку — тры малочна-таварныя комплексы і сем прафілакторыяў або гадавое павышэнне на 10% для пенсіянераў — я б яшчэ пагадзіўся на гэтых 10‑15 хвілін».
Аляксандр Лукашэнка лічыць, што ў такіх буйных гарадах, як Мінск, хапае і дадатковых крыніц асвятлення, акрамя вулічных ліхтароў, у тым ліку святла ад будынкаў, жылых дамоў, вітрын. Таму, паводле яго слоў, цяжка зразумець, як нехта нібыта быў вымушаны перамяшчацца па сталіцы «навобмацак» (гэта слова было прыведзена па-беларуску) або з цяжкасцю арыентаваўся ў прасторы.
Ён таксама расказаў, што асабіста на досвітку напярэдадні нарады праверыў, наколькі святла на вуліцы ў той ці іншы час:
«Раз у акно, другі раз, на вуліцу выйшаў — ну калі ж ужо можна ўвогуле выключаць святло?»
«Трэба аддаць належнае: нарэшце губернатар Мінскай вобласці выключыў святло ў вёсках вакол вёскі прэзідэнта. Дзякуй вам», — адзначыў Аляксандр Лукашэнка.
Нагадаем, што ў сераду ўключэнне гарадскога асвятлення на гадзіну пазней за звычайнае выклікала абурэнне ў сацсетках, і ўчора святло ўключылі амаль у звыклы час.
Мінск у сераду вечарам патануў у цемры. Пасля загаду Лукашэнкі
«Усё святло пайшло на падсветку «Мінск-арэны». Што беларусы гавораць пра цемрадзь на гарадскіх вуліцах і дарогах
Пяць прычын — у тым ліку адна фантастычная, — па якіх беларусам адключылі святло ў гарадах
«Бацька правільна зрабіў, цяпер больш праведнасці», «Фоты вырваныя з кантэксту». Як прапаганда апраўдвае адключэнне святла на вуліцах
Мінэнерга пра сітуацыю з асвятленнем: Усё будзе рэгулявацца ў залежнасці ад мясцовасці
«Саладуха выклаў сэлфі з цэнтра сталіцы»: беларусы жартуюць пра блэкаўт па загадзе Лукашэнкі
«Я толькі не разумею, для каго пабудавалі АЭС?» Даўно ніякая тэма не выклікала такіх эмоцый, як адключэнне святла на загад Лукашэнкі
Цяпер чытаюць
Мінскія ўлады расказалі, як будуць змагацца з «акіянам аўтамабіляў» у дварах2
Каментары
Гэта нават міла)
Іншы бы сказаў: адну школу, ці садок, можа які тэатр, ці стадыён, а гэты - пра фермы! Можна вывесьці калгасніка з фермы, але ж ферму з калгасніка ....