У МЗС Беларусі прайшлі перамовы з кіраўніцтвам Нацыянальнай карпарацыі развіцця Афганістана, паведамляе БелТА.
Першы намеснік міністра замежных спраў Беларусі Сяргей Лукашэвіч 16 лютага сустрэўся з афганскай дэлегацыяй, якая прадстаўляе вядучую дзяржаўную кампанію гэтай краіны ў галіне інфраструктуры і будаўніцтва.
Паведамляецца, што падчас перамоў бакі адзначылі вялікія перспектывы павелічэння паставак у Афганістан беларускай тэхнікі, сельскагаспадарчай і іншай прадукцыі, неабходнай для рэалізацыі буйных праектаў развіцця краіны.
Па выніках сустрэчы дамовіліся актывізаваць кантакты ў сферах прамысловасці, сельскай гаспадаркі і харчавання, аховы здароўя і адукацыі.
Раней той жа Сяргей Лукашэвіч ужо сустракаўся з прадстаўнікамі афганскага ісламісцкага руху «Талібан», які ў 2021 годзе захапіў уладу ў краіне, у студзені 2025 года ў Кабуле.
Каментары
будзе буйны кветкавы аграхолдынг з ухілам да фармацэўтыкі.