Былога афганскага вайскоўца так моцна пабілі ў Беларусі, што яму давялося ампутаваць руку
Былы супрацоўнік Міністэрства абароны Афганістана Джыхад Махамед Гуль Наваі пасля прыходу талібаў да ўлады спрабаваў трапіць у Еўропу праз Беларусь. Паводле інфармацыі афганскіх СМІ ў выгнанні, яго затрымалі беларускія сілавікі і моцна пабілі, піша Reform.news.
Мясцовыя крыніцы ў правінцыі Хос паведамляюць, што Наваі затрымалі на мяжы і катавалі. Цяпер ён знаходзіцца ў бальніцы пад наглядам міліцыі. У выніку моцных пашкоджанняў ягоная рука стала чорнай і была ампутаваная.
Тэлевізійны канал Afghanistan International паведамляе, што Джыхаду 33 гады, ён жанаты і мае дзвюх дачок. Паводле Radio Hurriyet, афганская дэлегацыя наведала Наваі ў бальніцы каля трох тыдняў таму і забяспечыла яго неабходным лячэннем.
Дэлегацыя талібаў была ў Беларусі ў канцы жніўня для ацэнкі ўмоў утрымання афганскіх вязняў і магчымасцяў іх вяртання ў Афганістан. Афганскія дыпламаты ў Расіі аплацілі лячэнне Наваі ў бальніцы. Сам экс-афіцэр адзначыў, што шукаў прытулку і заявіў: «Я не быў ваеннапалонным, я шукаў прытулак, але яны зламалі маё жыццё».
Паводле інфармацыі тэлевізійнага канала, пасольства ў Маскве атрымала заданне як мага хутчэй вярнуць Наваі ў Афганістан. Некаторыя крыніцы адзначаюць, што ампутацыя рукі магла быць звязаная не толькі з катаваннямі, але і з хваробай.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары