«Зараз, напэўна, сотні людзей падаюць на вуліцах і атрымліваюць траўмы. Я здолеў упасці на роўным месцы, у гасцінай, паслізнуўся: упаў, ударыўся галавой аб цвёрдую мэблю, рукой спрабаваў змякчыць удар і зачапіўся за востры прадмет, таму парваў мяккія тканкі рукі. Быў пашкоджаны нерв, не перарваны, але сур’ёзна пашкоджаны. На твары рана зажыве, а вось рука будзе гаіцца даўжэй, бо з-за пашкоджання нерва нямеюць пальцы, асабліва сярэдні. Але, думаю, гэта да лепшага, магчыма, гэта абароніць мяне ад дэманстрацыі непрыстойных жэстаў», — пажартаваў прэзідэнт.
Ён запэўніў, што з яго здароўем усё ў парадку.
«У мяне са здароўем усё добра, я нават адчуваю сябе крыху мацнейшым, імунная сістэма мабілізаваная», — сказаў Наўседа.
Наўседу тыдзень таму прааперавалі з-за рванай раны на руцэ. Ноч пасля аперацыі ён правёў у бальніцы. Прыблізна ў той жа час каля дома прэзідэнта быў знесены нелегальны плот. Кіраўнік дзяржавы адзначыў, што гэтыя дзве падзеі не звязаныя паміж сабой.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс13
Каментары