Грамадства11

Галоўны ідэолаг расказаў, ці будуць у Беларусі забараняць дзецям і падлеткам карыстацца сацсеткамі

У Беларусі пакуль не плануюць уводзіць узроставыя абмежаванні на карыстанне сацыяльнымі сеткамі для дзяцей і падлеткаў. Пра гэта паведаміў першы намеснік кіраўніка адміністрацыі Лукашэнкі Уладзімір Пярцоў, адказваючы на пытанні журналістаў падчас калегіі Міністэрства інфармацыі, піша БелТА.

Уладзімір Пярцоў

Паводле слоў чыноўніка, гаворка ідзе не пра блакаванне сацсетак для падлеткаў 15—16 гадоў, а ўвогуле пра магчымасць узроставых цэнзаў, якія ўжо дзейнічаюць у некаторых краінах. Ён адзначыў, што сацыяльныя сеткі ўсё мацней уплываюць на моладзь, якая з узростам не набывае звычкі чытаць друкаваныя выданні і застаецца ў лічбавым асяроддзі.

Разам з тым Пярцоў падкрэсліў, што на гэты момант прымаць рэгуляцыйныя рашэнні аб узроставых абмежаваннях у Беларусі не плануецца.

Ён таксама звярнуў увагу, што ў краіне пакуль няма эфектыўных механізмаў праверкі ўзросту карыстальнікаў. Складана дакладна вызначыць, хто менавіта заходзіць у сацсетку пад пэўным нікам.

Пры гэтым адзначаецца, што праз гульнявыя платформы і сацыяльныя сеткі ўжо назіраюцца спробы ўплыву на моладзь. Паводле слоў Уладзіміра Пярцова, некаторыя платформы могуць збіраць персанальныя даныя, у тым ліку запытваць сканы або фота дакументаў, каб ідэнтыфікаваць карыстальнікаў і адсочваць іх актыўнасць у інтэрнэце.

Пярцоў таксама адзначыў, што лічбавая прастора хутка змяняецца: трансфармуюцца папулярныя платформы, змяняецца медыяландшафт. Якія крокі варта рабіць у адказ на гэтыя працэсы, пакуль застаецца для рэгулятараў адкрытым пытаннем.

Каментары1

  • Ёсік
    04.03.2026
    А яшчэ можна адразу дзяцей забіраць у бацькоў, і выхоўваць іх для прыгожага існаваньня сямейкі на чале з дырэктарам саўгаса. Сабе забараніце, дурні недаробленыя.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Пуцін, Трамп і Сі паціснулі адзін аднаму рукі і коратка пагутарылі 7

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

У Пятрухіна на стрыме выбілі з рук тэлефон. Блогер абрынуўся на беларусаў Уроцлава37

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць