Панчохі разладу: Mark Formelle зноў апынуўся ў цэнтры скандалу. Што на гэты раз здарылася?
Папулярны беларускі брэнд Mark Formelle анансаваў выпуск «панчох мары». Адаслаў іх блогеркам, а пасля… Сацсеткі не сціхаюць ужо некалькі дзён.
Пачалася гісторыя з таго, што ў гэтым сезоне сталі папулярнымі тонкія чорныя панчохі з выразным швом наперадзе (якія нагадваюць кампрэсійныя).
Ідэю падхапілі шматлікія іншыя брэнды. На радасць беларускім модніцам пра выпуск трэндавых панчох пачаў казаць і айчынны вытворца Mark Formelle.
Каб падагрэць грамадскую ўвагу, брэнд разаслаў блогеркам панчохі, якія яшчэ не з’явіліся ў продажы. Але, імаверна, з інтрыгай піяршчыкі Mark Formelle перастараліся.
Беларуска Алена Рыбакова распавяла ў Threads пра непрыемную сітуацыю. Спачатку яна пабачыла панчохі мары ў распакоўцы адной блогеркі. На пытанне, дзе ж атрымалася набыць такія, інфлюэнсерка не адказала.
Тады Алена пачала самастойна шукаць тыя панчохі Mark Formelle, але ні на афіцыйным сайце кампаніі, ні ў сацсетках, ні на маркетплэйсах тых не было.
Настойлівая пакупніца двойчы напісала сваё пытанне і ў інстаграме беларускага брэнду — але і там яе чамусьці праігнаравалі. І раптам Алена зноў пабачыла ў інстаграме распакоўку тых самых панчох.
На гэты раз навінку рэкламавала блогерка Іра МісМо (на яе старонку ў інстаграме падпісана 274 тысячы чалавек). Дарэчы, летась яна прыцягвала ўвагу тым, што прадавала падпісчыцам відэа, у якіх распавядала, як хлопец скраў у яе 25 тысяч даляраў.
Алена вырашыла зноў паспрабаваць высветліць, дзе ж купіць тыя самыя панчохі.
Блогерка адрэагавала даволі агрэсіўна і пацікавілася: «Вас цікавяць панчохі з маёй нагі? Мне іх лепш панасіць ці памыць?». Такі хамскі адказ Алену здзівіў. Яна яшчэ раз удакладніла, што ёй вельмі падабаюцца панчохі Mark Formelle, але яна нідзе не можа іх знайсці. На што атрымала: «Адкуль я павінна ведаць?».
Гісторыя выклікала актыўнае абмеркаванне ў сацсетках. Асноўны допіс Алены ў Threads за два дні набраў больш за 375 тысяч праглядаў і 1,3 тысячы каментароў.
Большасць людзей падтрымлівалі Алену, адзначалі афіцыйны акаўнт Mark Formelle і раілі брэнду больш уважліва выбіраць блогераў для сумеснай працы.
Прадстаўнікі Mark Formelle на крытыку ў выніку адказалі: «Прыносім прабачэнні, што не адказалі адразу. Наконт панчох: мы зараз якраз працуем над іх вытворчасцю. Як толькі партыя паступіць у продаж, мы адразу раскажам пра гэта ў нашых сацсетках! Сачыце за навінамі, каб дакладна не прапусціць».
Людзі абурыліся тым, што брэнд пачаў рэкламаваць панчохі мінімум за месяц да таго, як яны будуць адшыты: «Я пасля гэтай сторыс пайшла на сайт, выдаткавала кучу часу, каб знайсці гэтыя панчохі, а іх аказваецца яшчэ не выпусцілі. Улічваючы, што пакупкі праз блогераў часцей за ўсё здзяйсняюцца на эмоцыях, з такімі эмоцыямі ўжо, напэўна, дзякуй не трэба».
Абураліся і тым, што, замест таго, каб пачаць збіраць перадзамовы, Mark Formelle параіў сачыць за сваімі навінамі. Пытанні да блогерак, якія фактычна становяцца тварамі брэнду, таксама засталіся. Бо скаргу патэнцыйнай пакупніцы на МісМо Mark Formelle фактычна праігнараваў.
Канешне, скандал дакаціўся і да самой блогеркі, якая вырашыла паразмаўляць з Аленай. І зноў камунікацыя атрымалася не вельмі прыгожай, бо МісМо спытала: «Вы рэальна хочаце прынесці ў гэты дзень х*вы настрой людзям? Гэта ваша карысць свету?».
У выніку праз дзень прадстаўнікі Mark Formelle звязаліся з Аленай і паведамілі, што хочуць ёй падарыць бокс з навінкамі, дзе будуць таксама трэндавыя панчохі.
МісМо тым часам працягвае здзекавацца з сітуацыі і спрабуе прадаць свае скандальныя панчохі ад Mark Formelle — абяцае, што сама прывязе іх пакупніцы ў Мінску. Блогерка ладзіць аўкцыён у сторыс — пакуль максімальная стаўка 80 рублёў.
Пракаментавала сітуацыю і вядомая блогерка Ганна Бонд: «Я ўжо а*ла ад допісаў і ныцця пра гэтыя панчохі. Уражанне, што жанчыны знайшлі сябе х*р ведае дзе, каб так прыніжацца за ср*ныя панчохі. Гэта ўжо не піяр панчоха, кампаніі ці чм*га блогера — гэта панчошнае вар'яцтва, якое зыходзіць ад вас — мае дарагія дзяўчыны. Горшага прагрэву г*на панчошнага я яшчэ не бачыла ніколі».
А іншыя беларусы, якія не перастаюць здзіўляцца ўзроўню крынджовасці сітуацыі, пачалі запісваць жартаўлівыя ролікі пра панчохі мары.
Хакейны клуб «Дынама-Мінск» правёў «жаночы матч» з падарункамі — і давеў заўзятарак да шаленства
Беларускі абураныя: Luxvisage выпусціў адвэнт-каляндар, але набыць яго ў Беларусі нельга — толькі замовіць з Расіі
Паліто за 790 рублёў ад беларускага брэнда хутка сапсавалася. Кліентцы параілі зафарбаваць пацёртасці спецыяльным маркерам
Каментары
Теперь чулки залетят,как горячие пирожки.
Хомячки хавают,блогеры зарабатывают.
Наш идол- деньги.
В разработке драки за чулки в оффлайн магазинах,следите за Тредс.