Паводле ўмоў падпісанага дакумента, Кіеў будзе дапамагаць Эр-Рыяду ў распрацоўцы неабходных кампанентаў супрацьпаветранай абароны.
Прэзідэнт Украіны Уладзімір Зяленскі адзначыў у сваім тэлеграм-канале, што дакумент будзе асновай для тэхналагічнага партнёрства і інвестыцый, а таксама ўзмацняе міжнародную ролю Украіны як «дадатковага пастаўшчыка бяспекі». Ён падкрэсліў, што Украіна гатова дзяліцца сваім вопытам і сістэмамі з Саудаўскай Аравіяй, каб павысіць абарону жыццяў.
Зяленскі звярнуў увагу, што ўжо пяты год украінцы супрацьстаяць атакам балістычнай зброяй і дронамі, аналагічнымі іранскім Shahed, якія цяпер выкарыстоўваюцца ў рэгіёне Персідскага заліва. Ён адзначыў, што супрацоўніцтва можа быць узаемавыгадным.
Дамова была падпісаная 26 сакавіка перад сустрэчай Зяленскага са спадчынным прынцам Саудаўскай Аравіі (фактычным кіраўніком краіны) Мухамедам бен Салманам Аль Саудам у Джыдзе. Ад украінскага боку на падпісанні прысутнічалі сакратар Рады нацыянальнай бяспекі і абароны Рустэм Умераў, першы намеснік кіраўніка адміністрацыі прэзідэнта Сяргей Кісліца і начальнік Генштаба УСУ Андрэй Гнатаў.
Дамова прадугледжвае не толькі дапамогу з перахопнікамі, але і стварэнне сістэмы СПА, яе інтэграцыю з іншымі кампанентамі, выкарыстанне вопыту Украіны, тэхналогій штучнага інтэлекту і аналітыкі для супрацьдзеяння беспілотнікам Shahed.
З пачатку вайны ЗША і Ізраіля супраць Ірана Кіеў прапаноўвае падтрымку ў абароне ад іранскіх дронаў Shahed, якія выкарыстоўваюцца таксама расійскай арміяй ва Украіне. Па станне на сярэдзіну сакавіка ад Украіны знаходзіцца 201 вайсковы эксперт у краінах Блізкага Ўсходу і яшчэ 34 гатовыя да разгортвання. Украіна ўжо супрацоўнічае з ААЭ, Катарам, Саудаўскай Аравіяй і Кувейтам, каб прадухіліць іранскія атакі супраць суседніх краін.
27 сакавіка Зяленскі сустрэўся з украінскімі экспертамі ў Саудаўскай Аравіі, дзе яны абмяркоўвалі праблемныя пытанні і магчымыя змены для ўзмацнення абароны людзей і жыццяў ад іранскіх шахедаў і ракет.
Зяленскі паляцеў у Саудаўскую Аравію дамаўляцца пра вайсковае супрацоўніцтва
Саудаўская Аравія і ААЭ просяць Трампа не спыняцца з Іранам
Украінскія дарадцы былі ў шоку, калі ў Персідскім заліве на адну цэль выпускалі восем ракет Patriot — агульным коштам $25 мільёнаў
Саудаўскі нафтагазавы гігант хоча набыць украінскія дроны-перахопнікі
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары