Саудаўскі нафтагазавы гігант хоча набыць украінскія дроны-перахопнікі
Галоўнае нафтагазавае прадпрыемства Саудаўскай Аравіі Saudi Aramco вядзе перамовы з украінскімі вытворцамі беспілотнікаў аб закупцы дронаў-перахопнікаў для абароны нафтапрамысловай інфраструктуры ад атак з дапамогай БПЛА, паведамляе The Wall Street Journal.
Паводле інфармацыі крыніц выдання, гаворка ідзе мінімум пра дзве кампаніі — SkyFall і Wild Hornets, якія выпускаюць беспілотнікі-перахопнікі. Гэтыя апараты прызначаныя для фізічнага знішчэння варожых БПЛА альбо шляхам прамога тарану, альбо падрыву побач з цэллю.
Aramco імкнецца заключыць здзелкі як мага хутчэй, апярэджваючы інтарэсы дзяржаўных структур Саудаўскай Аравіі і рэгіянальных канкурэнтаў, уключаючы Катар.
Акрамя перахопнікаў, абмяркоўваюцца сродкі радыёэлектроннай барацьбы ад кампаніі Phantom Defense, здольныя глушыць каналы кіравання і навігацыі ворагаў.
Калі пагадненні будуць дасягнутыя, украінскія тэхналогіі могуць стаць часткай сістэмы абароны нафтапрадпрыемстваў і перапрацоўчых комплексаў Саудаўскай Аравіі.
Украіна прапаноўвала ЗША тэхналогіі процідзеяння іранскім беспілотнікам. Тыя не зацікавіліся, цяпер лічаць гэта «найбольшым промахам»
За тыдзень вайны з Іранам краіны Блізкага Усходу выкарысталі больш ракет Patriot, чым атрымала Украіна за чатыры гады вайны
Зяленскі прапанаваў краінам Блізкага Усходу памяняцца з Украінай: ракеты для Patriot на ўкраінскія дроны-перахопнікі
Каментары
Для Украіны такая ўгода азначае не толькі фінансавую падтрымку абароннага сектара, але і фактычнае стварэнне ваенна-тэхнічнага альянсу з адной з самых багатых краін свету.