«Я сяджу з Пратасевічам. Піпец!» Нявеста Рамана Пратасевіча расказала гісторыю іх знаёмства
Анастасія Лабазанава, нявеста вядучага СТБ і «разведчыка» Рамана Пратасевіча, апублікавала ў тыктоку гісторыю іх адносін. Лёсавызначальная сустрэча адбылася ў бары, а першай тэмай для размовы стала «Бітва экстрасэнсаў».
Анастасія кажа, што шмат хто з яе знаёмых «у шоку», што яна разам з Пратасевічам. Яна ўспамінае, што іх пазнаёміў агульны знаёмы. Калі яна даведалася, што ў кампаніі будзе Пратасевіч, яе першай рэакцыяй было моцнае здзіўленне.
«Я такая: «Пратасевіч? У сэнсе? Рэальна?» — распавядае дзяўчына.
Яна тлумачыць свае эмоцыі тым, што Раман — «вядомая асоба»:
«Дагэтуль, калі мы гуляем па вуліцы з Ромам, вельмі шмат людзей да яго па гэты дзень падыходзяць, некаторыя нават просяць з ім сфатаграфавацца. Я за ўсім гэтым назіраю і разумею, што Рому практычна ведаюць усе».
Дзяўчына кажа, што была вельмі ўражана сустрэчай. «Калі мы прыйшлі ў гэты бар, я яго ўбачыла. Вядома, я так здзівілася: «Афігець, я сяджу з Пратасевічам! Піпец, як гэта так?» Мне здаецца, у любога была б такая ж рэакцыя. І так мы і пазнаёміліся. Як бы першая сустрэча адбылася так чыста: «Прывітанне-прывітанне», «О, клас, Рома», туды-сюды, «ты — малайчына!»
Тады зносіны абмежаваліся простым прывітаннем, але неўзабаве яны апынуліся ў адным агульным чаце знаёмых, дзе абмяркоўвалі розныя тэмы 24/7.
Першы асабісты дыялог пачаўся па ініцыятыве Анастасіі. Яна напісала Раману, і яны сталі абмяркоўваць «Бітву экстрасэнсаў» — яны абое захапляюцца эзатэрыкай, картамі Таро і г. д.
Быў перапынак у адносінах на месяц, пакуль яны зноў не сустрэліся на дні нараджэння сябра. Там сяброўка Анастасіі заўважыла, што Раман не зводзіць з дзяўчыны вачэй. Калі Анастасія вярталася дадому, яна атрымала ад Рамана паведамленне: «Насця, мне здаецца, ці я табе падабаюся?»
Што было далей, дзяўчына не паведамляе — яна абяцае другую частку.
Настасся — медработнік і таролаг, працавала ў элітнай клініцы «Мерсі». Да гэтага Раман двойчы жаніўся з Маргарытай Грыцкевіч. Тая скончыла Мінскі медыцынскі ўніверсітэт і некаторы час працавала правізаркай-рэцэптаркай у мінскай аптэцы, а таксама рабіла расклады на картах таро.
Цяпер чытаюць
Качанава прапанавала ўвесці адказнасць за «няпраўду ў тыктоку»12
Каментары