Джорджа Мелоні наведае краіны Персідскага заліву для абмеркавання паставак нафты
Прэм'ер Італіі прыбыла ў пятніцу ў Саудаўскую Аравію.
Прэм’ер Італіі Джорджа Мелоні заявіла, што падчас візіту на выходных у шэраг арабскіх краін Персідскага заліву абмяркуе тэму паставак нафты італьянскім спажыўцам.
«Мой візіт — гэта жэст салідарнасці з краінамі, якія з’яўляюцца нашымі сябрамі. Вядома ж, маёй задачай таксама будзе забеспячэнне Італіі неабходнымі энергарэсурсамі», — прыводзіць яе словы газета Corriere della Serra.
Мелоні нагадала, што раней наведала Алжыр, дзе абмяркоўвала пастаўкі газу ў Італію. «Цяпер жа я наведваю Персідскі заліў, каб пагаварыць, перш за ўсё, пра нафту», — дадала кіраўніца італьянскага ўрада.
Паводле яе слоў, падчас перамоў яна таксама надасць увагу тэме блакавання Армузскага праліву з-за ўзброенага канфлікту ЗША і Ізраіля з Іранам.
У пятніцу ўвечары Мелоні прыбыла ў Саудаўскую Аравію. У суботу ў яе запланаваны перамовы з саудаўскім кіраўніцтвам, а таксама візіты ў ААЭ і Катар.
-
«Сядзець на вяршыні гары ў Швейцарыі і піць да страты пульсу». Рутэ расказаў пра іх з Зяленскім планы на пасля вайны
-
Сярод забітых у Кракаве — двое замежнікаў. Грамадзянства адной ахвяры пакуль не называюць
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку37
Каментары