Džordža Miełoni naviedaje krainy Piersidskaha zalivu dla abmierkavańnia pastavak nafty
Premjer Italii prybyła ŭ piatnicu ŭ Saudaŭskuju Araviju.
Premjer Italii Džordža Miełoni zajaviła, što padčas vizitu na vychodnych u šerah arabskich krain Piersidskaha zalivu abmiarkuje temu pastavak nafty italjanskim spažyŭcam.
«Moj vizit — heta žest salidarnaści z krainami, jakija źjaŭlajucca našymi siabrami. Viadoma ž, majoj zadačaj taksama budzie zabieśpiačeńnie Italii nieabchodnymi enierharesursami», — pryvodzić jaje słovy hazieta Corriere della Serra.
Miełoni nahadała, što raniej naviedała Ałžyr, dzie abmiarkoŭvała pastaŭki hazu ŭ Italiju. «Ciapier ža ja naviedvaju Piersidski zaliŭ, kab pahavaryć, pierš za ŭsio, pra naftu», — dadała kiraŭnica italjanskaha ŭrada.
Pavodle jaje słoŭ, padčas pieramoŭ jana taksama nadaść uvahu temie błakavańnia Armuzskaha pralivu z-za ŭzbrojenaha kanfliktu ZŠA i Izraila ź Iranam.
U piatnicu ŭviečary Miełoni prybyła ŭ Saudaŭskuju Araviju. U subotu ŭ jaje zapłanavany pieramovy z saudaŭskim kiraŭnictvam, a taksama vizity ŭ AAE i Katar.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary