Згодна з апублікаваным законапраектам, пробны перапіс насельніцтва ў Беларусі можа праводзіцца рашэннем Савета Міністраў і павінен адбыцца не пазней чым за два гады да асноўнага перапісу, піша БелТА.
Фота: AP Photo / Pavel Bednyakov
Гэта значыць, што канкрэтная дата не замацаваная загадзя — яе будуць вызначаць урад і дзяржаўныя органы статыстыкі. Але ёсць галоўнае абмежаванне: яна абавязкова павінна быць за 1—2 гады да асноўнага перапісу.
Падчас такога пробнага перапісу правяраюць, як працуюць усе працэдуры: анкеты, спосабы збору інфармацыі, анлайн-сістэмы і апытанні. Яго праводзяць у адным або некалькіх рэгіёнах краіны, каб адладзіць працэс перад агульнанацыянальным перапісам.
Таксама ў законапраекце пазначана, што:
- даныя можна падаваць анлайн або праз інтэрв’ю з перапісчыкамі;
- інфармацыя збіраецца без абавязковага пацвярджэння дакументамі;
- удзельнічаюць людзі ад 15 гадоў;
- звесткі пра дзяцей або асоб пад апекай падаюць дарослыя члены сям’і.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары