Грамадства1515

Дзмітрый Баскаў пашырае бізнэс пад брэндам Lepshy

«Бюро» знайшло ў сенатара яшчэ дзве кампаніі пад брэндам «Лепшы» (Lepshy).

У верасні 2022 года «Пул першага» анансаваў запуск бомбераў пад брэндам Lepshy. Рэалізацыяй новага мерча Лукашэнкі занялася фірма «Лепшы брэнд». Тады паведамлялася, што 80% гэтай кампаніі належыць Дзмітрыю Баскаву і 20% запісаныя на нейкую Марыну Анфілаву.

У верасні 2023 года Дзмітрый Баскаў зарэгістраваў новую юрыдычную асобу — «Лепшы хлеб», якая займаецца вытворчасцю хлебабулачных і кандытарскіх вырабаў.

На сёння на балансе фірмы лічацца загатовачны цэх і кавярня «Лепшы хлеб» у Першым нацыянальным гандлёвым доме на праспекце Незалежнасці, 134, і дзве пякарні ў сталічных гандлёвых цэнтрах «Скала» (Пятра Глебкі, 5) і «Чэрвеньскі» (Маякоўскага, 6).

60% «Лепшага хлеба» належаць Дзмітрыю Баскаву. Астатнія 40% у роўных долях запісаныя на двух беларусаў: Арцёма Васільева і Паўла Турбана. Апошні, паводле даных «Кіберпартызан», працаваў у Федэрацыі хакея Беларусі і кухарам у хакейным клубе «Дынама-Мінск».

Другая фірма — «Лепшы экіпіровачны цэнтр» — з’явілася ў канцы мая 2025 года. Яе профіль — раздробны гандаль спартовым абсталяваннем і інвентаром.

16 кастрычніка адбылося ўрачыстае адкрыццё флагманскай крамы Lepshy hockey — найбуйнейшага ў Беларусі цэнтра продажу хакейнага рыштунку і экіпіроўкі. Гандлёвы пункт размясціўся ў «Алімпік-Арэне», якая падпарадкоўваецца Нацыянальнаму алімпійскаму камітэту.

«Лепшы экіпіровачны цэнтр» мае трох уладальнікаў. 34% належаць Арцёму Завадскаму. Паводле звестак «Кіберпартызан», Завадскі мае вялізны досвед у гандлі спартовымі таварамі. На сёння ён таксама з’яўляецца заснавальнікам і дырэктарам фірмы «Хакейны кантынент», якая мае ўласную інтэрнэт-краму хакейнай формы і экіпіроўкі.

 Другі ўласнік крамы Lepshy hockey — Норберт Масальскі, ягоная доля 15%. Масальскі значыцца генеральным дырэктарам прадпрыемства «Спорт-люкс», якое таксама займаецца продажам хакейнай экіпіроўкі.

У канцы ліпеня 2025 года «Спорт-люкс» паведаміў у сваёй супольнасці ва «УКантакце», што іх крама рэарганізавалася ў Lepshy hockey і пераязджае ў «Алімпік-Арэну». Гандаль хакейнай экіпіроўкай Норберт Масальскі сумяшчае з працай у Федэрацыі хакея Беларусі.

Астатнія акцыі «Лепшага экіпіровачнага цэнтра» — 51% — належаць самому Баскаву.

Ён, дарэчы, прысутнічаў на адкрыцці крамы асабіста і старанна рабіў выгляд, што не мае ніякага да яе дачынення. Дзяржаўныя СМІ ў цітрах прадставілі Баскава як «старшыню Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці».

«Я шчыра радуюся, што тут, на цудоўным аб’екце «Алімпік-Арэна», ёсць адмысловая тэрыторыя, у якой любы, ад маленькага хлопчыка да дарослага, ад аматара да прафесійнага хакеіста КХЛ, можа знайсці ўсё што трэба», — пракаментаваў праўладнаму тэлеканалу СТБ спартовы функцыянер.

Радасць Баскава ад адкрыцця Lepshy hockey падмацавалі і фінансавыя паказчыкі. Менш чым за тры месяцы працы крамы фірма «Лепшы экіпіровачны цэнтр» паспела выручыць без малога 1,2 мільёна рублёў, або амаль 350 тысяч еўра. Чысты прыбытак па выніках 2025 года склаў 74 тысячы рублёў, або амаль 21,5 тысячы еўра. 

Такі фінансавы поспех Баскаву & Сo забяспечыла ў тым ліку і дзяржава, перакладаючы грошы падаткаплатнікаў з бюджэту ў кішэню трэнера сям’і Лукашэнкі. «Бюро» праверыла тэндарныя закупкі «Лепшага экіпіровачнага цэнтра» і высветліла, што за тры няпоўныя месяцы 2025 года фірма Баскава змагла заключыць дамоў на пастаўку хакейнай экіпіроўкі розным спартовым арганізацыям амаль на 450 тысяч беларускіх рублёў, або на 130 тысяч еўра. Да пачатку красавіка 2026 года гэтая сума павялічылася ўжо да 675 тысяч рублёў, або амаль да 200 тысяч еўра. Вялікая частка закупак рабілася па працэдуры закупкі з адной крыніцы. Яна лічыцца больш простай і менш канкурэнтнай працэдурай выбару пераможцы. 

Каментары15

  • ЯНКА
    22.04.2026
    Лепш «Лепшы» ўжо ад Мікалая Баскава, чым «Лучший» ад Бабарико & Колессниковой і іхніх тутніх прыхвасцьняў❗
  • лол
    22.04.2026
    Затое па-беларуску! Крытыкі Фядуты падтрымліваюць
  • Вера
    22.04.2026
    ЯНКА, ... Горлом под колесо машины этого лукашиста.

    [Зрэдагавана]

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць