Сіноптыкі папярэджвалі 23 красавіка пра аранжавы ўзровень небяспекі — і ён здарыўся. Нават перасягнуў усе чаканні: абяцалі вецер да 15‑20 м/с, але зафіксавалі 29 м/с, паведамляе Магілёўскае абласное ўпраўленне МНС.

Пад удар стыхіі трапіў сам горад Магілёў разам з Бабруйскім, Быхаўскім, Бялыніцкім, Кіраўскім, Круглянскім, Крычаўскім, Магілёўскім, Слаўгарадскім, Чавускім і Шклоўскім раёнамі.

Толькі за 23 красавіка ў ратавальнікаў было 29 выездаў па ўборцы дрэў, што ўпалі. Іх вырывала з каранямі, некаторыя зваліліся проста на дахі аўтамабіляў і дамоў.

Шыфер і іншае пакрыццё з будынкаў таксама зрывала.

Пра чалавечыя ахвяры не паведамляецца.


Каментары