20 ліпеня ў Вільні прайшла акцыя з удзелам былога палітвязня Максіма Знака. Каля 14‑й гадзіны ён наведаў «Варту Святла» насупраць беларускага пасольства, каб зняць плакат са сваім партрэтам, піша «Вясна».
Гэты плакат на працягу некалькіх гадоў знаходзіўся на сцяне як сімвал салідарнасці і заклік да вызвалення юрыста. На мерапрыемстве прысутнічалі сябры Максіма з Літоўскай калегіі адвакатаў, прадстаўнікі дыпламатычнага корпуса і актывісты, якія падтрымлівалі беларускіх палітвязняў. Падчас акцыі Максім Знак падкрэсліў неабходнасць працягу барацьбы за свабоду іншых зняволеных.
Сёння ўвечары, а 18.30, запланаваны працяг сустрэчы. У Доме нацыянальных супольнасцяў у Вільні (Raugyklos g. 25) адбудзецца нефармальны канцэрт, дзе Максім Знак падзеліцца сваімі гісторыямі, выканае песні і адкажа на пытанні прысутных.
Адвакат Максім Знак, адзін з паплечнікаў Віктара Бабарыкі падчас перадвыбарчай кампаніі 2020 года і сябра прэзідыума першага складу Каардынацыйнай рады, быў затрыманы 9 верасня 2020 года. У верасні 2021 года яго асудзілі да 10 гадоў пазбаўлення волі. У ліпені 2026 года Максім Знак выйшаў на волю.
У Вільні выступіць з канцэртам Максім Знак
Максім Знак выпусціў кліп пра сістэму і яе вінцікі
Максім Знак рэанімаваў свой тэлеграм-канал
«Калі ўжо быць — дык быць як маяк!» У Варшаве адбыўся канцэрт Максіма Знака
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары