У Хабараўскім краі адбыўся замах на генерала, які камандаваў разнёю ў Бучы
28 красавіка ў вайсковым гарнізоне Хабараўскага краю адбыўся выбух. Расійскія ўлады адразу засакрэцілі інфармацыю пра інцыдэнт, піша канал ВЧК-ОГПУ.
ВЧК-ОГПУ стала вядома пра тэракт, які 28 красавіка адбыўся ў вайсковым гарнізоне, размешчаным у сяле Князе-Валконскае-1 у Хабараўскім краі. Мэтай выбуху быў генерал-маёр Азатбек Амурбекаў, які камандаваў расійскімі войскамі ў Бучы.
Паводле крыніц канала, бомба была закладзена ў паштовую скрыню на лесвічнай пляцоўцы дома 55.
Адзін чалавек загінуў, яшчэ некалькі чалавек атрымалі раненні. Асабовы склад быў падняты па трывозе.
Паводле даных праекта, выбух быў накіраваны супраць генерала Азатбека Амурбекава, які з 2023 года з’яўляецца начальнікам 392‑га Акруговага вучэбнага цэнтра падрыхтоўкі малодшых спецыялістаў Усходняй ваеннай акругі.
У 2022 годзе Амурбекаў узначальваў 64‑ю асобную мотастралковую брыгаду, якая дзейнічала ў Бучы.
На месцы выбуху загінуў камандзір батальёна вучэбнай сувязі падпалкоўнік Кузьменка. Акрамя таго, ёсць параненыя. Пра стан Амурбекава пакуль не вядома.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»32
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Проста нагадаю што Ізраіль знайшоў, забіў, альбо моцна пакалечыў былых ССаўскіх афіцэраў і жаўнераў што адзначыліся на службе. Тых каго не атрымалася з першага разу забіць/пакалечыць - другі/трэці раз падрывалі, да поўнай інвалідызацыі/забіцця.
Тое ж чакае Z-тнікаў і іншых саюзных лукашыстаў. Спісы ёсць, фатаздымкі ёсць, усе хады запісаны. Зямля будзе гарэць пад нагамі ажно да справядлівай ўтылізацыі.