Паводле інфармацыі агенцтва Reuters, прэзідэнт ЗША Дональд Трамп па ўсёй верагоднасці ўвайшоў у спіс намінантаў на Нобелеўскую прэмію міру 2026 года. Пра гэта паведаміў сакратар Нарвежскага Нобелеўскага камітэта Крысціян Берг Харпвікен.
Сёлета на прэмію вылучылі 287 кандыдатаў: 208 чалавек і 79 арганізацый. Паводле слоў Берга Харпвікена, у параўнанні з мінулым годам у спісе з’явілася шмат новых імёнаў.
Раней кіраўнікі Камбоджы, Ізраіля і Пакістана заяўлялі, што прапанавалі на прэмію кандыдатуру Трампа. Калі гэта сапраўды так, то заяўкі былі пададзеныя вясной і летам 2025 года і лічацца сапраўднымі, бо апошні тэрмін падачы скончыўся 31 студзеня. Аднак неяк праверыць гэта немагчыма, бо спісы намінантаў захоўваюцца ў таямніцы.
Сам Трамп не раз казаў, што заслугоўвае гэтай узнагароды больш чым хто іншы. У 2025 годзе ён сцвярджаў, што пасля вяртання на пасаду здолеў спыніць як мінімум восем войнаў.
У студзені гэтага года венесуэльская апазіцыянерка Марыя Карына Мачада падчас сустрэчы ў Белым доме сімвалічна перадала Трампу свой нобелеўскі медаль, атрыманы ў 2025 годзе. Арганізатары ўручэння прэміі, аднак, заявілі, што адзіным афіцыйным лаўрэатам застаецца яна.
Ужо ў сакавіку Трамп заявіў, што больш не цікавіцца гэтай тэмай. Ён таксама гаварыў, што не ведае, як канфлікт з Іранам можа паўплываць на яго шанцы атрымаць прэмію ў будучыні.
Трамп прыняў нобелеўскі медаль ад Марыі Карыны Мачада ФОТАФАКТ
У Нарвегіі назвалі «ганьбай» перадачу Трампу Нобелеўскага медаля міру
Трамп заявіў, што яго больш не цікавіць Нобелеўская прэмія міру
Трамп: Смешна, нібыта Нарвегія не кантралюе, каму даць Нобелеўскую прэмію
Трамп заявіў, што больш не абавязаны думаць пра мір, бо яму не ўручылі Нобелеўскую прэмію міру
Каментары