На Канферэнцыі беларусаў у Варшаве чацвёра чалавек разгарнулі плакаты супраць Ціханоўскай. Яна адказала
Падчас выступлення Святланы Ціханоўскай на V Канферэнцыі беларусаў і беларусак свету ў Варшаве некалькі ўдзельнікаў выйшлі з плакатамі з надпісамі «Канферэнцыя ≠ вынікі», «Ціханоўская, дзе мандат?», «Ціханоўская = Лукашэнка», «Света, аддай грошы Сашу, ачысці сумленне».
Напярэдадні апаненты Офіса Ціханоўскай анансавалі акцыю супраць, паводле іх слоў, «самазванцаў і махляроў, якія прыкрываюцца імем народа Беларусі, незаконна прысвойваюць сродкі заходніх донараў, датычныя да ўцечкі персанальных даных і садзейнічаюць палітычна матываваным арыштам». Арганізатары таксама заявілі, што такія канферэнцыі не накіраваныя на вырашэнне рэальных праблем, а выкарыстоўваюцца для «асваення выдзеленага фінансавання», піша Reform.news.
Да месца правядзення канферэнцыі прыйшоў блогер Сяргей Пятрухін, які таксама заклікаў паплечнікаў далучыцца да акцыі супраць мерапрыемства. Ён разгарнуў плакат «Інфаабслуга дэмсіл — гэта не журналістыка. Каму служаць «незалежныя СМІ?».
Журналісты папрасілі Святлану Ціханоўскую пракаментаваць тое, што адбылося. Паводле яе слоў, яна ведала пра падрыхтоўку акцыі.
«Я бачыла і на самой справе ведала, што недзе ў сацсетках заклікаюць людзей прыйсці на канферэнцыю і выказаць сваё меркаванне. Але ва ўсіх нас ёсць на гэта права.
Магчыма, калі пачнецца дыскусія, я запрашу гэтых людзей і проста з імі пагавару: у чым справа, якія ёсць пытанні і паспрабую адказаць. Бо часцей за ўсё… Я спадзяюся, што яны прыйшлі з канкрэтнымі прапановамі, як нешта можна палепшыць, калі, напрыклад, іх не задавальняе мая праца. Трэба ўдакладніць: гэта супраць мяне асабіста ці супраць канферэнцыі. Я гэтых нюансаў не ведаю. Так, я бачыла. Выдатна, што ў нас ёсць такая магчымасць», — адказала палітык.
Каментары
а что уж говорить о нас, грешных..
все это стадо ни на что не годных горлопанов.
в чем их претензия? какие у них предложения? как они видят дальнейший ход событий? И ГЛАВНОЕ!!! что им мешает стать на голову лучше всего Офиса и Тихановской в частности?
может какой-то закон запрещает им стать лучше?
или может какие-то боевики Тихановской не дают им жить и работать лучше неё?
или может она все деньги мира себе забрала, которые отправляли конкретно на их имя?
а может они годами пытались какую-то программу и план действий реализовать, но она все время железной беспощадной рукой душила все их благородные начинания?
а ответов нет и быть не может.. это просто сборище неудачников, возможно - проплаченных. вот и всё.